Juunip qaammataani kujataani aasarisseruttoraa utoqqaat illuanni najugaqartut natsersuarnik ammassanillu pilinermik suliaqarput.
Natsersuit marluk aamma ammassaat utoqqaat suliaqarnermini pilissutigaat. Pilinermi utoqqaat akornanni ilitsersuisoqarlutik ikioqatigiillutik suliaqarput.
-Utoqqaat pilinermik suliaqarusunnerat aallaavigalu natsersuarnik ammassannillu pisivugut. Utoqqaat ikioqatigiillutik pilapput, natsersuarmiillu nikkuliorput, orsulillutillu. Taakku saniatugut ammassannik panertitsipput. Nuanneqaaq ikioqatigiillutik taamatut suliaqarnerat isigalugu, Nanortalimmi utoqqaat illuanni aqutsisoq, Dorthe Semsen Johansen oqaluttuarpoq.
Aasap ingerlanerani Nanortalimmi utoqqaat illuanni najugaqartut ilaasa saarullinnik kussartitaliorlutik pilinissartik pilersaarutigaat.
