Meeqqeriviup ilisaritsinnera.

Meeqqerivik Angaju Meerartaqarpoq 64-nik sulisoralugit 15-nit tassani qaninnerpaallugu Ulluunerani kommune kujalliup meeqqeriviutaani Angajumi pisortaq.

Meeqqerivik Angaju ammasarpoq kl 7:00-16:30 Ataasinngornermiit tallimanngornermut.

Pissarsiorpugut Meeqqeriviup Angajup pisortap tullersortaanik Perorsaasutut ilinniarsimasoq imaluuniit assingusumik misilittagalimmik.

Kommune Kujalliup meeqqeriviutaani pingaartipparput meeqqat ineriartornermikkut nutaaliornikkullu inieriartortinneqartut, taamaatumik ujartuivugut meeqqanut nutaaliornermut misilittagalimik. Pisortap tullersortaatut akisussaaffik kivinissaa ullut allanngorarsinnaasuni eqqarsartariaatsikkullu nukittuunissaq aammalu maligassiulluni sunniutreqarsinnaasumik pissarsiorpugut.

Suliassat akisussaaffiillu:

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinneqarnissaanut akisussaaqataassaatit. Taakualu aamma malitsigisaanik meeqqeriviup aqunneqarnerannut sinaakutinik piilersitisinnaanermik misilittagaqarnissat. Meeqqamut akisussaasunut attaveqatigiinermik toqqissisimanartumik allartitsisinnaanissat.

Meeqqeriviup kulturianut meeqqat sunniuteqarsinnaanerat tunaartaralugu ulluinnarni ileqqoqarnikkut/piffissamik ilisimaarinninnikkut aammalu naatsorsoruminartuunikkut ulluinnaat ingerlanniarsarisarpagut. Ataatsimoorluta meeqqeriviup atuisunut tamanut peqqinnartuutinnissaanut ineriartortuunissaanullu pilersitsinissarput pingaaruteqarpoq. Taamaattumik suliffimmi pissutsit annertuumik pingaartinneqarput.

Naleqartitavut makkuupput:

  • Meeraq toqqissisimalluni tikilluaqqusaallunilu misigisimassaaq.
  • Angajoqqaat sulisullu akornanni suleqatigiinneq pitsaasoq.
  • Meeqqap kinaassusaanik akuersaarneq.
  • Meeqqap ineriartornermi killiffianit ineriartortitsineq.
  • Perorsaanikkut akuersaartuumik ingerlariaasilik.

Uagut tunniussinnaasagut:

  • Kommune Kujalliup meeqqeriviutai quliusuni pisortat qanimut suleqatigisassavatit avitseqatigilluarsinnaasatit, meeqqeriviup pisortai misilittagartuujupput aammalu ikiuerusussuseq annertullu arlaatigut nalorniffeqarnermi.
  • Meeqqat uumaarissut 3-6nik ukiullit
  • Meeqqeriveqarnermut immikkoortortaqarfimmit qanimut suleqateqarneq. Tapersersorneqarnerlu.

Ilinnut naatsorsuutigisagut:

  • Perorsaasutut /perorsaanermullu assingusumik  ilinniarsimasutut ilinniarsimasuusutit.
  • Nutaanik pilersitsisinnaassuseqartutit.
  • Aallartitsisinnaassuseqarlutillu akisussaaffimmik tigusisinnaasutit.
  • Suliarput pillugu perorsaanermut tunngasunik oqalliseqataanissannik piumassuseqartutit.
  • Meeqqanut killiliisinnaasutit.
  • Meeqqanut, sulisunut angajoqqaanullu inussiarnersuullutit ajunngitsumillu iliuuseqartartutit.
  • Tamakkiisumik isiginnissinnaasutit isumassarsiullaqqillutillu.
  • Suliffinnut patajaatsuusutit/aalajaatsuussasutit.
  • Suliannut akisussaassuseqartutit tunniusimallutillu.
  • Suleqatiginnissuseqartutit suleqatigiinnermillu pingaartitsisutit.
  • Aallartitsisinnaasuseqartutit nutaamillu eqqarsarsinnaasutit.
  • Qiimasoq/ uummaarissoq piumassuseqarluartorlu.
  • Suliniutinut nutaanut ammasuusutit saaffikkuminartuusutillu.
  • Aalajaatsuusutit.

Neqeroorutigaarput

  • Akissarsiat atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
  • Pisortap tullianut perorsaasumullu inissamik innersuussisoqarsinnaavoq, malittarisassat sukkulluunniit atuuttut malillugit akilerneqartartussamik.
  • Sulinermi atugassarititaasut pitsaasut
  • Suleqatit angajoqqaallu akornanni pitsaasumik suleqatigiinneq
  • Suleqatit pitsaasut

Pineqaatissinneqarsimannginnermut aammalu meeqqanik pinerliisimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK)/(SIK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.

Ulloq aallartiffik: Qinnuteqartoq isumaqatigineqassaaq

Qaammatini pingasuni misiligummik atorfinitsitsisoqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu erseqqarinnerusumik paasisaqarusukkuit uunga saaffiginnissinnaavutit: Meeqqeriveqarnermut pisortaq Ivalu Kristensen e-mail: ivkr@kujalleq.gl oqarasuaat 648140

Qinnuteqarnissamut killigititaq: 07. juni 2026

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.