Jørgen Wæver-Johansen Nuummi illumik pisinera pillugu Sermiatsiami allaatigineqarsimasoq pillugu oqallinnermut maannakkut qisuariarpoq.
Sermitsiaq malillugu 5,39 millionit koruuninik annertussuseqartut amerikarmiuniit aningaasaliisartuniit Greenland Development Partnersiniit nuussisoqarsimavoq. Kingorna illu Inuit Properties Greenland ApS-imut piginnittussatut uppernarsaateqartinneqalersimalluni, taannalu 100 procentimik Jørgen Wæver-Johansenimit pigineqarluni.
Facebook-ikkut ikkunneqarsimasumi Wæver-Johansenip aningaasaliinerup arlaatigut pasinartoqarsinnaanera itigartippaa. Ersarissarlugulu aningaasaliinernut aningaasaliissutigineqartartut aningaasanik atorniarnikkut aamma suleqatit aqqutigalugit aningaasaliiffigineqartarnerat nalinginnaasuusoq, Nuummilu attartugassanik amigaateqarneq ersarissarlugu.
Aammattaaq ersarissarpaa, aningaasaliinerit inatsit atuuttoq naapertorlugu ingerlanneqassasut.
Avataaniit aningaasaliisartunik suleqateqarneq illersorpaa
Wæver-Johansenip oqariartuutigaa, Kalaallit Nunaanni nunaqavissunik aamma nunani allaneersunik suleqateqarnissaq pisariaqartinneqartoq, tassani inuussutissarsiorneq ineriartortinneqarlunilu suliffissanik amerlisaasoqassappat.
Aammattaaq oqallinnermi sakkortusaartoqarnera isornartorsiorpaa, isumaqarlunilu inummut saassussinerit pasisaatitsiniaanerillu Kalaallit Nunaata aningaasaqarnerata ineriartortinnissaanut tapersiisinnaanngitsut.
Ikkussimasaata imaarisaatut aamma annersaavoq, nulia. Wæver-Johansen nuliami pasinarsarneqartutut isikkoqalersitsisoqarnera annertuumik qisuariarfigaa, arlaallu apeqqutissaqarlunilu isornartorsiutissaqaruni imminermut isornartorsiuisoqarsinnaasoq kaammattuutigalugu.
Naggataatigut ersarissaavoq, nuliani namminersortuusoq, namminerlu aaliangiisinnaassuseqartoq, aamma nammineq suliaminut isornartorsiuisoqassappat ilanngunneqassanngitsoq allaaseralugu.
