Kommunip IT-systemii oqarasuaataalu tamarmik sunnerneqarput, piffissamilu aggersumi sullissiniarnermut sunniuteqangaatsiassangatinneqarpoq
Kommuneqarfik Sermersooq qarasaasiatigut ajornartorsiuteqarnermik annertuumik suli eqqugaaqqavoq, kommunimilu IT aamma attaveqaatit systemii tamarmik sunnerneqarput.
Ajornartorsiorneq allaffissornermut sunniuteqarpoq, sulisullu sullissinerminni aamma innuttaasunik kiffartuussinerminni atortagaat eqqorneqarput, taamatuttaaq oqarasuaatit, mailit allallu digitalimik sullississutit sunnerneqarlutik. Tamanna kommunip nalinginnaasumik kiffartuussineranut sullissineranullu maanna killeqarnerulersitsingaatsiarpoq.
Ajoqutaasup qanoq annertutiginera kommunip ullup ingerlanerani paasisaqarfigaa, systemillu eqqorneqarsimasut isumannaatsumik aaqqinneqarnissaat qulakkeerniarlugu kommunimeersunik avataaneersunillu immikkut ilisimasalinnik suleqateqarluni assoroorluni sulisoqarpoq.
Pissutsit suli taamaatsillugit piffissami aggersumi sullissiniarnerup ilungersunarsinnaanissaa ilimagineqarpoq. Taamaammat kommunip kiffartuussinerata aamma nalinginnaasumik sullissinerata aqagu eqqorneqarnissaat innuttaasut ilimagisariaqarpaat.
Kommunimili suliffeqarnermut isumaginninnermullu ingerlatsivimmi sulineq nalinginnaasumik ingerlassaaq. Atuarfiit, ulluunerani paaqqinnittarfiit, utoqqarnik paaqqutarinninneq allallu innuttaasunut toqqaannartumik attaveqarnermut aamma isumaginninnermut tunngasut suli ammassapput sulisoqassallutillu