Kommune Kujalleq atuarfeqarnermut MISI-mullu sulianik aqutsisussarsiorpoq, kommunip atuarfeqarnermut MISI-mullu suliaissaqarfiani ineriartortitsoqarnissaanik sammivileeqataasussamik. 1. septembari 2026 isumaqatigiissuteqarnikkulluunniit atorfinittoqassaaq.
Misilittagalimmik suliatigullu ilisimasaqarluartumik aqutsisussarsiorpugut, atuarfeqarnermut MISI-mullu suliassaqarfiup ingerlanneqarneranut ineriartortinneqarneranullu akisussaaffimmik tigusisinnaasumik, aammattaaq atugarissaarneq, ilikkagaqarneq ineriartornerlu anguniagaralugit atuarfiit suliaqarnissaannik pitsaasunik sinaakkutissannik pilersitsisinnaasumik.
Atorfik pillugu
Inerisaanermut Ingerlatsivik kommunip ulluunerani neqerooorutaanut, atuarfeqarnermut, MISI-mut kulturimut, sunngiffimmut aamma Majoriamut akisussaaffeqarpoq. Ingerlatsivik pingasunik sulianik aqutsisoqarpoq:
- Ulluunerani neqeroorutinut sulianik aqutsisoq
- Atuarfeqarnermut MISI-mullu sulianik aqutsisoq
- Kulturimut, sunngiffimmut katersugaasivinnullu suliassaqarfimmi sulianik aqutsisoq
Atuarfeqarnermut MISI-mullu sulianik aqutsisoq Inerisaanermut Ingerlatsivimmi aqutsisoqatigiinnut ilaavoq ingerlatsivimmi pisortaq qaninnertut pisortaralugu. Aqutsisoqatigiinni ilaapput; ingerlatsivimmi pisortaq aamma sulianut aqutsisut pingasut, ataatsimoorlutik ingerlatsiviup ingerlatsineranut, ineriartorneranut akimullu suleqateqarneranut sammiviliisartut.
Sulianut aqutsisoq MISI-mi psykoligit pisortaanut, atuarfiit pisortaannut pingasunut kiisalu atuarfimmi siunnersortinut pingasunut aqutsisuuvoq. Atorfik Qaqortumi inissisimavoq atorfimmullu atatillugu kommunip illoqarfiini nunaqarfiinilu angalasoqartassaaq. Nanortalimmi, Qaqortumi Narsamilu atuarfiit tamarmik immikkut kommunip nunaqarfiinut ukununnga akissaaffeqarput:Aappilattoq, Narsarmijit, Tasiusaq, Ammassivik, Alluitsup Paa, Saarloq, Eqalugaarsuit, Igaliku, Qassiarsuk, Narsarsuaq aamma Qassimiut.
Suliassatit pingaarnerit
Sulianut aqutsisutut atuarfeqarnermut MISI-milu suliassaqarfimmi pitsaasutsimik, ineriatornermik, ataqatigiinermik qulakkeerinninnisssamut suliaqarnermi pingaarutilittut inissisimalissaatit. Sulianik aqutsisutut siullertut ingerlatsinermik ineriartortitsinermillu suliaqassaatit kiisalu kommunimi meeqqat atugarissaarnissaannik, ilikkagaqartarnissaannik ineriartornissaannillu tapersersuinermik qulakkeerinnillutit. Tamanna atuarfimmi siunnersortit, atuarfinni pisortat, MISI aqutsisoqatigiillu sinnerisa qanittumik suleqatiginerisigut pisarpoq.Aqutsisoqarfiup iluani aamma kommunimi ilinniartitsisoq angalasartoq ilaavoq.
Suliassatit pingaarnerit tassaapput:
- Atuarfeqarnermut MISI-mullu suliassaqarfimmi inatsisit, politikkikkut anguniakkat kommunillu anguniagai atuuttut malillugit ingerlatsisoqarnissaanik sulisoqarnissaanilu qularnaarinninneq
- Politikkikkut aamma allaffissornikkut aalajangikkat pillugit patajaatsumik tunngavileeqataaneq
- Inerisaanermut Ingerlatsivimmi aqutsisut suleqatigalugit politikkikkut isummerfissanik suliaqarneq
- Atuarfeqarnermut MISI-mullu suliassaqarfimmut missingersuusiorneq, missingersuutinik malitseqartitsineq, aningaasaqarnikkut aqutsineq
- MISI-mut, atuarfinni pisortanut, atuarfinni siunnersortinut suliassanik aqutsineq ataqatigiissaarinerlu
- Atuarfeqarfimmi MISI-milu pitsaassusermik, nakkutilliinermik aamma suliatigut ataatsimut sammiveqarnissamik qularnaarinninneq
- Ingerlatsivimmi suliassaqarfiit allat qanimut suleqatigalugit ineriartortitsinermut suliniutinik aallartisaaneq, tapersersuineq, toqqammaviliinerlu
Meeqqat inuusuttullu akornanni ikaarsaarnermut ataqatigiisaarinermullu nukittorsaaneq matumani meeqqat atuarfianniit ilinniagaqalernissamut ikaarsaarnermi, Meeqqanut inuusuttunullu ataatsimut isiginniffiusumik suliniutit pillugit susassaqartunik allanik suleqateqarneq.
Tamakkiisumik isiginnittumik suleqateqarneq
Ataatsimut isiginnilluni suliniarneq Kommune Kujallermit pingaartinneqarpoq, tamatumani meeqqat, angajoqqaat, sulisut, aqutsisut ingerlatsivillu suleqatigiillutik peroriartornermi atukkanik pitsaanerpaamik pilersitsiniassapput. Taamaammat sulianik aqutsisoq siumut isigaluni suliallu aallaavigilluarlugit pitsaassusermik, nakkutilliinermik, piginnaanngorsaanermik kiisalu suliatigut ataatsimut sammiveqarnissamik suliaqarsinnaassaaq.
Illit ilisarnaatitit
- Aqutsisussarsiorpugut imaattunik piginnaasalimmik:
- Ilinniartitsisutut naleqquttumilluunniit ilinniagaqarsimasutit – ajornanngippat atuafimmik aqutsineq, perorsaaneq, ingerlatsineq imaluunniit aqutisineq pillugu ingerlariaqqiffiusmik ilinniagaqarsimasutit
- Aqutsinermik misilittagaqartutit – ajornanngippat suliffeqarfimmit qinikkanit aqunneqartumit
- Atuarfeqarfimmi ajornanngippalu MISI-mi ilisimasaqarluartuusutit
- Suliatigut pitsaassusermik, nukinik atuinermik, aqutsinermik, atugarissaarnermik politikkikkullu anguniakkanik ataqatigiissaarisinnaasutit
- Aaqqissuusamik, pilersaarusiukkamik, ataatsimullu isiginniffiusumik sulisinnaassutit – aamma suliassat pisariusut suliarisinnaagitit
- Allattariarsornikkut oqaatsitigullu attaveqaqatigiittarnikkut piginnaasaqarluartutit
- Suliffeqarfiup iluani avataanilu suleqateqatinik tatiginniffiusumik ataaveqaatinik pilersitsisinnaasutit
Neqeroorutigaavut
Atorfik akisussaaffeqarfiusoq, pingaaruteqartoq aamma ineriartortoq neqeroorutigaarput, tassanilu atuarfeqarnermut MISI-mullu suliassaqarfiup siunissaanut ilusilersueqataanissanik periarfissinneqassaatit.
Ingerlatsivimmi pingaarutilimmik inuaqatigiinnut akisussaaqataasumi, tunniusimalluartunik aqutsisulimmi peqataassaatit, aamma politikkikkut allaffissornikkullu aqutsisut qanimut oqaloqatigisassallugit. Atorfimmi suliatigut isummersoqatigiinissamut, aqutsisunik ineriartortitsinissamut kiisalu ingerlatsiviup ataatsimoorussamik anguniagaanut sunniuteqaqataanissamut periarfissaqarluarpoq.
Meeqqanik pinerliisimannginnermut pineqaatissinneqarsimannginnermullu uppernarsaat
Atorfik pineqartoq meeqqanut pinerliisimannginnermik uppernarsaammik pissarsinissamut inatsisitigut pisussaaffeqartitsivoq. Inatsit naapertorlugu pinerluuteqarsimannginnermut meeqqanillu pinerluuteqarsimannginnermut uppernarsaat kommunimit tiguneqareerpat, aatsaat atorfininneq aallartissinnaavoq. Taamatuttaaq atorfinititsinermut atatillugu kommune pinerliisimannginnermut uppernarsaamiknoqqaassuteqarsinnaavoq.
Akissarsiat atorfinitsitaanermullu tunngasut
Akissarsianut atorfinitsitsinermullu atugassarititaasut atorfinitsitaanerup nalaani Namminersorlutik Oqartussat atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput . Atorfinitsitsineq qaammatini pingasuni misilinneqassaaq.
Ineqarneq
Atorfininnermut atatillugu inissaqartitsisoqarsinnaavoq, tassunga inimut qularnaveeqqusiissut, inimut akiliut sukkulluunniit malittarisassat atuuttut naapertorlugit akilerneqartassallutik, soorluttaaq atorfininnermi – aammalu minnerpaamik ukiut pingasut atorfeqareernerup kingorna atorfimmit soraarnermi angalanermut pigisallu assartornerinut aningaasartuutit sukkulluunniit malittarisassat atuuttut naapertorlugit akilerneqassallutik.
Atorfik pillugu paasissutissat sukumiinerusut pissarsiarineqarsinnaapput una saaffigalugu; ingerlatsivimmi pisortaq Annga Lynge oqarasuaat 64 81 53 e-mail anly@kujalleq.gl
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik 20. juli 2026 nittartagarput www.kujalleq.gl. aqqutigalugu kommunimit tiguneqareersimassapput.
Qinnuteqarnissamut killissarititaasoq: juulip 20.-at, 2026
