Meeqqanut inuusuttuaqqanullu allanngueqataarusuppit ilaqutaannullu suleqateqarnermik nukittorsaallutit.
Kommune Kujalleq, Meeqqanut Ilaqutariinnullu Ingerlatsivik, sullissisunik marlunnik tunniusimasunik Qaqortumi inissitanut suliaqartuni 1. december 2026 imaluunniit erseqqinnerusumik isumaqatigiissuteqarnikkut sulilertussanik sulisussarsiorpoq.
Meeqqat inuusuttuaqqallu inissitat atugarissaalernissamut, ineriartornissamut toqqissisimasumillu peroriartornissamut sapinngisamik pitsaanerpaamik periarfissikkusulluinnarpigit? Meeqqap isiginnittaasia kiisalu meeqqap, angajoqqaat inissiiviullu suleqatigiillualernissaat qitiutippigit? Taamaappat atorfissaqartitarput immaqa illiuvoq.
Atorfiup imarisai
Inissitanik suliaqartortatsinni sullissutitut meeqqat 0-18-inik ukiullit angajoqqaarsialerneqarlutik imaluunniit paarsivinniitsitaallutik angerlarsimaffiup avataanut inissinneqarsimasut pillugit oqartussatut sulinermi qitiusumik inissisimalissaati.
Meeqqat inuusuttuaqqalluunniit ataasiakkaat tapersersorneqarnissaat, isumassorneqarnissaat inissinneqarsimanerminnilu malittarineqarnissaat suliassavit pingaarnersarissavaat. Meeqqat inuttut pisariaqartitaat, atugaat ineriartornerallu malinnaavigissavatit taavalu meeqqap inuuneranut tunngasussuteqartuni aalajangiiniarnermi meeqqap isumaata tusaaniarneqarnissaa aalajangiinernilu ilaatinneqarnissaa qularnaassallugu.
Inissiineruttaaq nalaani angajoqqaanik suleqateqarnerup nukittorsarneqarnissaa assorsuaq pingaartitaraarput. Meeraq angerlarsimaffimmini najugaqanngikkaluarpalluunniit angjajoqqaat meeqqap inuunerani suli pingaaruteqartaqaat. Taamaammat ataqqeqatigiiffiusumik tatigeqatigiiffiusumillu suleqatigiinnerup pilersinneqarnissaa pingaaruteqaqaaq, tamatumanilu angajoqqaat pisariaqarfiatigut akuutinneqartassapput, aammalu meeqqamut ajunngitsussaq pillugu meeqqat ilaqutariillu peqatigiinnerat suliffigilluarneqartassalluni.
Ilaqutarsianik, ulloq unnuarlu paarisvinnik kiisalu sulisunik attuumassuteqartunik qanimut suleqateqartassaatit meeqqap ataqatigiissumik suliffigineqarnissaa qularnaarumallugu. Tamatuma saniatigut immikkoortortap tulleriiaarluni nalunaarutiginnernik tigooqaasutut piareersimasoqartarneranut peqataassaatit.
Pingaartipparput
·Isumaginninnermi siunnersortitut allamilluuniit naleqquttumik ilinniarsimasuusutit.
·Meeqqanut, inuusuttuaqqanullu tunngasunik suliassalerinermut tunngasunik misilittagaqartutit, ajornanngippat inissiinermut tunngasunik.
·Meeqqat inuusuttuaqqallu inissitat atugarinnissaat, ineriartornissaat pisinnaatitaffiilu assut aallutissagitit.
·Meeqqanut inuusuttuaqqanullu tatigeqatigiiffiusumik peqateqarsinnaasutit taakkulu tusaaniarneqarnissaannik qularnaarisartutit.
·Angajoqqaanik suleqateqartarnermut piginnaasaqarluartutit kiisalu ataqqinnillutit suliatigullu erseqqissuliorlutit ilaqutariittut inissisimaffiit imartuut qanoq iliuuseqarfigisinnaagitit.
·Ilaqutarsianik, ulloq unnuarlu paarsivinnik suleqatinillu allanik suliat aallaavigalugit suleqateqarsinnaasutit.
·Meeqqanik tapersiisarnermut inatsisit inatsisillu allat ilisimasaqarfigigitit.
·Inuit atugaannik naliliinermi, iliuusissiornermi, nalunaarsuinermi kiisalu malitseqartitsinermi aaqqissugaasumik sulisartutit.
·Namminersorlutit, aaqqissuulluakkamik ataatsimullu isiginnillutiut sulisinnaasutit.
·Sullivimmi avatangiisit pitsaasuunissaannut suliassaqarfiillu akornanni suleqatigiilluarnissamut tapertaalluarlutit.
Kalaallit Nunaanni pissutsinik ilisimasaqarneq iluaqutaassaaq, aammalu kalaallisut danskisullu piginnaasaqarnissat piumaneqarnerussaaq.
Pingaarnertut suliassatit
·Meeqqat inuusuttuaqqallu ilaqutarsialerneqarsimasut paarsivinnullu inissinneqarsimasut pillugit oqartussatut suliassanik suliaqarneq.
·Meeqqap atugai, ineriartornera inissinneqarneranilu pissutsit aaqqissugaasumik malitseqartittassallugit.
·Meeqqanik inuusuttuaqqanillu oqaloqatiginnittassalluni taakkulu imminerminnut sulianut akuutinneqarnissaat qularnaassallugu.
·Angajoqqaanik suleqateqarnermik nukittorsaaneq kiisalu meeqqap inissitaasimanerani naleqqutumik akuutinneqartarnissaat tapersersussallugu.
·Angajoqqaanik oqaloqatiginnittarluni, attaveqarfiit ataatsimeeqatigiissittarlugit kiisalu inissiiviusut malitseqartitsiviusumik ataatsimeeqatigisarlugit.
·Iliuusissatut pilersaarutit inuttullu atukkanik naliliinerit suliarisarlugit malitseqartittarlugillu.
·Inissiineq suliniutillu aallartinneqartut meeqqap pisariaqartitaanik tunniussiviunersut nalilersortassallugu.
·Meeqqap ineriartornera atugaalu pillugit ilaqutarsianik, paarsivinnik sulisunillu attuumassuteqartunik suleqateqarneq.
·Qinnuteqaatit suliarisarlugit, tusarniaanerit ingerlattarlugit taavalu inassuteqaasiorlunilu aalajangiinernik suliaqartarluni.
·Eqqortumik uppernarsaasuisoqarnissaa taavalu inatsisinik atuuttunik suliassalerinermilu piffissaliussanik eqqortitsinissaq qularnaarlugit.
·Meeqqanut, inuusuttuaqqanut angajoqqaavinullu siunnersuisarlunilu ilitsersuisarluni.
·Meeqqap inuunerata assigiiaamik patajaatsumillu ingerlanissaa sulissutigissallugu kiisalu inissiinerup allannguuteqarnerani pitsaasumik ikaarsaartoqarnissaa peqataaffigisarlugu.
Neqeroorutigivagut
Suliffik soqutiginartoq isumalillu, meeqqanut inuusuttuaqqanullu inissitanut taakkulu ilaqutaannut allannguinissamut periarfissaq.
Immikkoortortamut ineriartortumut ilanngutissaatit, tassani suliassatigut isummersoqatigiinneq, aqutsisumit qanimut tapersersugaaneq kiisalu suleqatigiilluarneq pingaartitaraavut. Suliassannut iserluarnissannik neqeroorfigissavatsigit kiisalu meeqqanut inuusuttaqqanullu suliniarnerup ineriartorneranut sunneeqataasinnaallutit.
Nalilersuineq, isummeqatigiinnerit sulianillu pisariusunik suliaqarnerit qitiutillugit eqimattakkaarluni aalajangersimasumik oqilisaaqatigiittoqartarpoq. Taamaalilluta toqqissilluta sulinitsinnik ineriartortitseqatigiiffigisinnaasaqassaagut aammalu angajoqqaavinik suleqateqarluna meeqqanik inuusuttuaqqanillu sullissinerup pitsanngorsarnissaanut periarfissaqassalluta.
Taakku saniatigut kujataamiut kulturiat pinngortitarlu qanimut misigisinnaassavatit.
Pineqaatissinneqarsimannginnermut kiisalu meeqqanik pinerliisimannginnermut uppernarsaat
Atorfik pinerluuteqarsimannginnermut uppernarsaammik pissarsinissaq pillugu inatsimmit ilaatinneqarpoq. Uppernarsaatit pisariaqartut pissarsiarineqarsimalerpata aatsaat atorfinitsitsisoqarsinnaavoq. Uppernarsaatit atorfinitsitsinermut atatillugu kommunip nalilersuineranut ilaassapput.
Akissarsiatigut atorfinitsitaanermilu atugassarititaasut
Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat naapertorlugit.
Malittarisassat atuuttut malillugit ineqarnermut akiliuteqarfigineqartartussamik inissaqartitsisoqarsinaavoq. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup kingorna allamut angalaneq kiisalu pigisanik assartuinermut aningaasartuutit akilerneqassapput.
Paasissutissat annertunerusut aamma qinnuteqaat:
Atorfik pillugu paasissutissat pissarsiarineqarsinnaapput una attavigalugu: Ivalu Lund Hammeken, e-mail: ivlu@kujalleq.gl.
Qinnuteqaat ilinniagarisimasanik suliffigisimasanillu paasissutissartalik kiisalu pisariaqartunik paasissutissartalik, soorlu ilinniakkamut uppernarsaatinik, kommunip nittartagaatigut PDF-inngorlugu nassiunneqassaaq.
Qinnuteqarnissamut killissarititaq: Tamanut saqqummiutsinnagu aalajangerneqassaaq.
Pappiaqqanik mailikkulluunniit qinnuteqaatit tiguneq ajorpavut.
Kommune Kujalleq kommunip suliffiini tamani sulinerup nalaani pujortartannginnissaq atuutilersinnikuuaa.
Qinnuteqarnissamut killissarititaasoq: novembarip 16.-at, 2026
