Suliffiup sumiiffia: Aasiaat
Sulisitsisoq: Allattoqarfimmi pisortaq aamma Borgmesteri
Atorfik pillugu
Kommune Qeqertalik pisortaqatigiinnut allatsissamik aaqqissugaasumik suleriaasilimmik aamma tunniusimasumik, suleqatiginnilluarsinnaasumik aamma pitsaasumik tatigeqatigiissinnaanermik pilersitsisinnaasumik sulisussarsiorpoq. Atorfik kommunip qitiusumik politikikkut allaffissornikkullu aqutsisoqarfini inissisimavoq Aasiannilu inissisimalluni. Borgmesterip aamma pisortaqatigiit ulluinnarni sulineranni pingaarutilittut inissisimassaatit aamma ulluinnaat naliginnaasut sukkasuumik, akisussaaffeqarluartumik aamma attaveqarfigisartakkanillu amerlasuunik imaqassallutik.
Suliassat
- Borgmesterip ullorsiutaanik aqutsineq pilersaarusiornerlu
- Ataatsimiinnernut piareersaaneq, tassunga ilanngullugu ataatsimiinnermi oqaluuserisassanik aamma ataatsimiinnermi atortussanik nassiussineq
- Ataatsimiinnerni aaqqissuussanilu imaqarniliorneq
- Allaffigeqatigiinnerit aamma attaveqatigiinnerit, kommunimi aamma kommunip avataani
- ESDH-system Public 360-imut nalunaarsuineq
- Borgmesterip pisortaqatigiillu angalaneranni isumaginninneq aamma ataqatigiissaarineq
- Borgmesterimik, pisortaqatigiinnik, allattoqarfimmi suleqatinik kiisalu kommunimi avataanilu suleqatinik akornanni qanimut suleqateqarneq
Piginnaasassat
- Kalaallisut ilitsoqqussaralugu oqaaserigitit, danskisullu tuluttullu paasiuminartunik attaveqarsinnaasoq
- Office-pakkimi ilisimasaqartoq, pingaartumik Outlook, Teams aamma Word
- Iluaqutaassaaq Public 360 aammalu kommunip aningaasaqarnikkut systemia Prisme ilisimasaqarfigissagitit imaluunniit misilittagaqarfigissagitit
- Allatsitut suliaqarnermik, politikikkut sullissinermik imaluunniit allaffissornermut atatillugu misilittagaqarneq iluaqutaassaaq
- Qaffasissumik imaluunniit allaffissornikkut ilinniagaqarsimanissat orniginartinneqarpoq, kisianni tamanna piumasaqaataanngilaq
Inuttut piginnaasat
- Aaqqissugaasumik suleriuseqartutit, namminersorsinnaasutit aamma suliani sunnguit tamaasa eqqumaffigisinnaagitit
- Malunnaarsaarnermik aamma tatigeqatigiissinnaanermik takutitsisinnaasutit
- Eqaatsumik eqqarsarsinnaasoq, borgmesterimik pisortaqatigiinnillu qanittumik suleqateqarluarsinnaasoq
- Akisussaaffinnik suliassanillu allanngorartumik tigusinissamut piumassuseqartutit
Neqeroorutigaagut
- Kommunimi ineriartortumi politikikkut aqutsinermut qanittumik inissisimasumi atorfik soqutiginartoq
- Piginnaasatigut inuttullu ineriartornissamut periarfissat pitsaasut
- Suleqatigiinnissamut periarfissarpassuit pitsaasut, suleqatit tunniusimasut peqatigalugit
- Kommunimi politikikkut aqutsinermut aamma allaffissornikkullu qitiusumik inissisimaneq
Akissarsiat atorfinitsitaanermilu atugassarititaasut:
Atorfininnermi atugassarititaasut Naalakkersuisut kattuffiullu isumaqatiginninniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfininneq qaammatini pingasuni misiliutaaqqaassaaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu akileraarutit A-skat sulitilluni ajunngitsorsianut akileraartoqartassaaq inatsit atuuttoq naapertorlugu.
Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Atorfik pillugu apeqqutissaqaruit uunga saaffiginnissinnaavutit, allattoqarfimmi pisortaagallartoq Benedikte Mølgaard, +299 701900, benm@qeqertalik.gl.
Qinnuteqarneq:
Qinnuteqaatinik E-mailikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. ”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqarnissamut killissarititaasoq 12. August 2026, atorfininnissamut ulloq 01. Oktober 2026 imaluunniit qanimut isumaqatigiissuteqarnikkut.
