Kommune Qeqertalimmi qullersaqarfik INUA marlunnik nutserisussarsiorpoq/ oqalutsissarsiorpoq 1. juni 2026 imaluunniit isumaqatigiissuteqarnikkut atorfinittussamik.
Suliassaqarfinni ukunani; Inoqarfik, Inuit aamma Timi Tarnilu allaffissornikkut sulianik allagaatit, allagaatillu Kommune Qeqertalimmi sulianik naammassinninnissamut pisariaqartinneqartut nutserneqarnissaat akisussaaffigissavatit.
Atorfik INUAni inissisimavoq aamma qaninnertut pisortarissavat allattoqarfimmi pisortaq.
Suleqatitit qaninnerit tassaassapput nutserisoqarfimmi suleqatissatit, allattoqarfimmi politikikkut allatsit, tusagassiivik, aamma Kommune Qeqertalimmi suliassaqarfiit allat.
Suliassat makku Kommune Qeqertalimmi nutserisutut oqalutsitullu suliassarissavatit:
·Allatanik nutserineq
·Torrutiinnarlugu oqaluttaaneq, pingaarnertut kalaallisut qallunaatullu, ukunani:
- Kommunalbestyrelsi aamma ataatsimiititaliani ataavartuni
- Kommune Qeqertallip iluani avataanilu
·Nutserissut TMS atorlugu nutserineq
Naatsorsuutigaarput:
·Nutserinermik oqaluttaanermillu ilinniagaqartutit
·Qarasaasiamik nalinginnaasumik atuisinnaasutit
·Pitsaasumik kiffartuussisinnaasutit
·Namminersorlutit aamma eqaatsumik suleriaaseqartutit
·Suleqatikkuminarlutillu inussiarnersuusutit
·Nutserissut TMS misilittagaqarfigigit aamma atorfininnermi nutserussutip TMS-ip ilinniarnissaa periarfissaavoq
Aamma makku pingaartippagut:
- Avammut kiinnerluarsinnaasutit, isumassarsiorsinnaasutit
- Isumagissaartuusutit
- Torersumik suleriuseqartutit
- Namminersorsinnaassuseqartutit piffissanilu ulapaarfiusuni sulianik malinnaalluarsinnaasutit
·Suliffeqarfimmi immikkoortortaqarfiit tamaasa suleqatigisinnaagitit
Pinerluuteqarsimannginnermut uppernarsaat:
Una atorfik pinerluuteqarsimannginnermut uppernarsaammik pissarsiornissamut piumasaqaammik pisinnatsitsissummik inatsisit ataanni inissisimavoq. Inatsit naapertorlugu atorfinitsinneqarneq aatsaat pisinnaavoq kommune pinerluuteqarsimannginnermut uppernarsaammik tigusaqarsimappat. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pinerluuteqarsimannginnermut uppernarsaammik Politiinit aatsaat pissarsereerpat.
Akissarsiat atorfininnermilu atugassarititaasut:
Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Piffissap qinnuteqarfiusup kinguninngua isumaqatigiissuteqarnikkulluunniit atorfik inuttalerneqarusuppoq.
Paasissutissat:
Atorfik pillugu itinerusumik paasiniaaffigineqarsinnaavoq allattoqarfimmi pisortaagallartumut Benedikte Mølgaard, oqarasuaat 70 19 00, imaluunniit e-mail benm@qeqertalik.gl
Piffissap ingerlanerani qinnuteqartunik oqaloqatiginninnerit ingerlanneqarsinnaapput.
KOMMUNE QEQERTALIK PILLUGU
Kommune Qeqertalik 6.500-t missaanniK innuttaqarpoq, taakkua kommunimi illoqarfinnut nunaqarfinnullu siammarlutik najugaqarput. Kommune sisamanik illoqarfeqarpoq arfineq-pingasunillu nunaqarfeqarluni. Illoqarfiit: Aasiaat, Qasigiannguit, Qeqertarsuaq, Kangaatsiaq. Nunaqarfiit: Niaqornaarsuk, Attu, Ikerasaarsuk, Akunnaaq, Iginniarfik, Ikamiut, Kitsissuarsuit, Kangerluk.
Aasiaat pillugit:
Kommune Qeqertaliup qullersaqarfia Aasianniippoq. Aamma Avannaata Ilinniarnertuunngorniarfia (GUX) Aasianniippoq. Ukiup ingerlanerani ukiumut pisartunik aaqqissuussisoqartarpoq, ukunannga: Midnight Sun Marathon, Nipiaa Rock Festival
MALINNAAVIGITIGUT
Kommunip nittartagaatigut: www.qeqertalik.gl
Facebookimi quppernerput aqqutigalugu: https://www.facebook.com/Kommune-Qeqertalik-243043503252446
LinkedIn-imi quppernerput aqqutigalugu https://www.linkedin.com/company/kommune-qeqertalik/
Aasiaat https://www.linkedin.com/showcase/aasiaat/
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissavit tigunissaanut qilanaarpugut.
Qinnuteqarnissamut killissarititaasoq: maajip 25.-at, 2026
