uulip aallaqqaataani 2026-Il imaluunniit isumaqatigiissuteqarnikkut atorfinittussamik.
Atorfik pillugu
Ilaqutariinnik sullissivimmi ilaqutariinnik katsorsaasutut meeqqat, inuusuttuaqqat ilaqutariillu sullittassavatit atugarissaalernissaat, ineriartornissaat ilaquttaminnullu attaveqalernissaat anguniarlugu. Suliaq taanna meeqqanut, inuusuttuaqqanut angajoqqaanullu tapersersuinermik ilaqarpoq tamatumuunakkut toqqissisimasumik aalaakkaasumillu ulluinnarni isumassuiffiusumik, siumut naatsorsuutigineqarsinnaasumik pitsaasumillu peqatigiiffiusumik inuuneqalernissaat siunertaralugu. Sulinermi ilaqutariit nukissaat aallaavigineqartassapput taavalu angajoqqaatut piginnaanerit ineriartortinneqarnissaat, meeqqat inuit akornanni misigissutsikkullu piginnaasaannik ineriartortitsineq kiisalu ilaqutariinni pitsaanerusumik attaveqatigiilernissaq ataqatigiinnerulernissarlu aallunneqassalluni. Ataatsimut akuersaartumik isiginnilluni suliniarnikkut aaqqiagiinnginnerit ikilisarneqassapput, paaseqatigiinneq annerulersinneqassalluni aammalu ilaqutariit peqatigiinneranni ataavartussanik ilorraap tungaanut aallartitsisoqassalluni.
Suleqatigiit assigiinngitsunik tunuliaqutallit peqataaffigissavatit taavalu ilaqutariit nukissaat pisariaqartitaallu pillugit ataatsimut isiginnittaaseqarlutit sulisassallutit.
Suliassat pingaarnerit
- Ilaqutariinnik ajornartorsiortunik tapersersuillunilu katsorsaaneq
- Ilaqutariit suleqatigalugit iliuusissatut pilersaarusiorneq taakkuninngalu piviusunngortitsineq
- Angajoqqaatut piginnaanngorsaaneq peqatigiilluarnissamullu ineriartortitsineq
- Meeqqat atugaat ineriartornerinut malinnaaneq naliliisarnerlu
- Suliniutinik uppernarsaasersuineq kiisalu atortorissaarutitigut naleqquttutiugut pisunik nalunaarsuineq
- Oqartussaqarfiit assigiinngitsut suleqatigiinnerannut peqataasarneq, soorlu atuarfiit, meeqqeriviit oqartussanilu siunnersortit akornanni.
- Oqaloqatigiinnernik, angerlarsimaffinnut takuniaanermik immaqalu eqimattakkaanik katsorsaanermik pilersaarusiorlutillu ingerlatsineq
Sulianut tunngasutigut piginnaasat
- Isumaginninnermut naleqquttumik ilinniarsimaneq (soorlu isumaginninnermi siunnersortitut, perorsaasutut assigisaanilluunniit)
- Ilaqutariinnik katsorsaanermut imaluunniit meeqqanik ilaqutariinnillu ajornartorsiortunik sullissinermut misilittagalik
- Suliassaqarfimmi tassani inatsisinik ilisimasaqarneq (soorlu sullissinermut inatsimmik)
- Uppernarsaasersuinermut iliuusissiornermullu misilittagaqarneq
- Ajornanngippat aaqqissugaasumik, oqaluttuartitsinikkut misiginneqatiginnissinnaanikkulluunniit suleriaasilik
Inuttut piginnaasat
- Peqatigiinnernik tatigeqatigiiffiusunik pilersitsisinnaasoq
- Oqaatsitigut allakkatigullu paasinartuliorluarsinnaasoq
- Namminersorsinnaasoq aamma aaqqissuussaasumik suliaqarsinnaasoq
- Sungiussiasoq aamma allanngueriaannaassusilik
- Isummersortoq sulianullu alapernaatsoq
Neqeroorutigaavut
- Suleqatigiit suliamut piginnaanillit tunniusimasullu
- Oqaloqatigineqarluni oqilisaassisarneq piginnaanngorsartuarnerlu
- Suliffik isumaqarluartoq ineriartornermik atugarissaarnermillu qitiutitsisoq
- Ulloq suliffik nammineq ilusilersornissaanut periarfissagissaarluarfiusoq
Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip meeqqanut pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiatigut atorfinitsitsinermilu atugassarititaasut:
Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq
Inissaq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup kinguninnguagut sulisutut inissamik innersuussisoqarsinnaanngippat sulisut utaqqiisaasumik ineqarsinnaatitaasut utaqqiisaasumik inissaminnik neqeroorfigineqassapput, tassungalu ineqarnermut, atuinermut allanullu siuliani oqaatigineqartut malillugit akiliisoqartassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.
Atorfik pillugu paasissutissat sukumiinerusut pissarsiarineqarsinnaapput Ilaqutariinnik sullissivimmi pisortaq saaffigalugu: Bibi Lund Kielsen bilk@kujalleq.gl imaluunniit immikkoortortami aqutsisoq Gertrud Geisler gege@kujalleq.gl
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik maajip 26-iat2026.
MALUGIUK: Qinnuteqaatit pappilissatigut mailikkulluunniit tiguneq ajorpavut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
