Ilaqutariinnik sullissivimmi katsorsaanermut aqutsisoq:

Ilaqutariinnik sullissivimmi psykologitut suliassatigut katsorsaanermi aqutsisussarsiorpugut 1. oktober 2026 imaluunniit erseqqinerusumik isumaqatigiissuteqarnikkut atorfinittussamik.

Atorfik Qaqortumi Ilaqutariinnut Sullissivimmi inissisimavoq, ilaqutariinnut sullissivimmi aqutsisoq qullersarineqassalluni. 

Ilaqutariinnut Sullissivik Qaqortoq pillugu:

Ilaqutariinnut Sulissiviup ataani ilaqutariinnut illut katillugit pingasuupput Qaqortumilu, Nanortalimmi aamma Narsami agguataarsimaallutik, tamatuma saniatigut meeqqanut inuusuttunullu ornittagaqarpoq, kiisalu inuusuttunut aamma naartusunut/ilaqutariinnut ajornartorsiuleratarsinnaasunut katsorsaaveqarluni. 

Ilaqutariinnut Sullissiviup ulluunerani katsorsaaneq neqeroorutigisarpaa kiisalu Kommune Kujallermi Isumaginnittoqarfiup ataani meeqqanut, inuusuttunut ilaqutaannullu pinaveersaartitsinermik neqerooruteqartarluni. Ataqatigiissaakkamik sulisutigut tamallu sianigalugit aaqqissuusinikkut katsorsaaneq piareersarneqartarpoq, matumani ilaqutariit ataasiakkaat pisariaqartitaat aallaaviusarlutik. Ilaqutariinnik Sullissivimmi katsorsarneqarnissamut neqeroorut ima imaqarpoq: Tarnikkut katsorsaanerit, tarnikkut misissuinerit, sakkortuumik nalaataqartunut ikiuineq, ilaqutariinnik katsorsaaneq, perorsaanermut ilitsersuineq tapersersuinerlu, atuartitsineq angajoqqaanullu pikkorissaaneq, ammasumik siunnersuineq, sulisunik oqilisaassineq kiisalu oqartussanut siunnersuisartunik isummersoqateqartarneq. Tamatuma saniatigut Ilaqutariinnut Sullissiviup kujataani Pinartoqartillugu Upalungaarsimasut akisussaaffigai.

Ilaqutariinnik Sullissivimmi sulisut assigiinngitsunik tunuliaqutaqartiterput, maannalu tassaallutik aqutsiseq, tarnikkut katsorsaasoq (psykoterapeut), ilaqutariinnik aqqutissiuisut, inuusuttunut siunnersortit, ilaqutariinni aqqutissioqatigiinnernik aaqqissuussisartoq kiisalu siusinaartumik suliniuteqarnermik suliallit. Tamatuma saniatigut Ilaqutariinnik Sullissivik kommunimi suliaqarfinnik attuumassuteqartunik allanik qanimut suleqartarpoq.

Ilaqutariinnut Sullissivik pillugu annertunerusumik paasisaqarusukkuit: https://www.kujalleq.gl/emner/borger/familie_og_boern/familiecenteret?sc_lang=da

Ilinnut neqeroorutigisinnaasavut:

  • susassaqarfiit assigiinngitsut akornanni suliassaqarfik pingaartumik isumalik pissanganartorlu, matumani tarnip pissusiinik suliaqarnermut tunngasutigut immikkut piginnaasavit pitsaasut atornissaannut periarfissagissaarluni piffissaqarfiusoq.
  • suliassat pilersaarusiukkat pinartullu assigiinngisitaartut (ass. annertuumik ajunaartoqarnerani illoqarfinnut nunaqarfinnullu angalanermik kinguneqarsinnaasut). 
  • eqaatsumik sulinissamik pilersaarusiorsinnaaneq. 
  • Sulisunut danskisut oqaluttunut oqalutsi
  • suliffik isumassuinermik, nutaaliorsinnaanermik, qungujunnartunik nuannarisaqarnermik isumassarsianillu inerisarfiusoq.
  • Psykologitut suliatigut ineriarnissamut periarfissat pitsaasut, soorlu pikkorissarnernut peqataasarnerit kiisalu suliffiup iluani avataaneersunilu imaajarluni oqaloqatiginnittarnerit.
  • meeqqanut, inuusuttunut ilaqutariinnullu tunngasutigut ilisimasanik itisilerinerit pissarsiarinninnerillu kiisalu nalaassimasani kingunerlutsitsinerit paasiniaqqissaarnissaat katsorsarnissaallu.
  • illoqarfik meeqqanut naleqquttoq ilaqutariinnullu isumaqarluartoq killilimmik angallaffiusoq qalipaatigissunillu illulik, arlalinnik meeqqeriveqarfiusoq aamma najukkami atuarfeqartoq kiisalu naammattunik sunngiffimmi peqatigiiffeqarlunilu periarfissalik. 
  • kujataa kulturikkut ilisimasaqalernissamut periarfissagissaartoq, ilaatigut inoroorsaarnermik malunnartumik tusaamaneqartoq, aamma immakkut angalanermik, piniarnermik, aalisarnermik, angalaarnermik qaqqasiornermillu periarfissarpassualik.
  • pinngortitami alutornaqisunik misigisassarsiorfigissaartoq, soorlu qaqqat, kangerluit, sermit iigartartut, Uunartoq, iluliarujussuit, arferit aamma arsarnerit, il. il. 
  • akeqanngitsumik pequtit assartorneqarnissaat atorfininnermilu angalaneq kiisalu atorfimmut atatillugu inissaq (inatsisit qaqugukkulluunniit atuuttut najoqq.).

Akisussaaffigisat suliassallu:

Katsorsaanermi aqutsisutut ilaqutariinnik Qaqortumik Ilaqutariinnut Sullissivimmut, Narsami Nanortalimmilu ilaqutariit illuinut, “Siusinaartumik iliuuseqarnermut” kiisalu Kommune Kujallermi qimarnguinnut innersuussanik katsorsaasarnernut akisussaasaatit. 

Sulinermi ilaatigut makku isumagineqartassapput:

Immikkoortortani katsorsaasartuni ulluinnarni aqutsineq, soorlu suliassanik agguataarineq, isummersoqatigiinneq, imaajaalluni oqaloqatiginninneq kiisalu sulisut piginnaasaannik ineriartortitsinermut tapersersuineq. 

Pisariaqartitsisoqartillugu (ataasiakkaanik, aappariinnik, ilaqutariinník eqimattanillu oqaloqateqarnerit) katsorsaanerni, qulaajaanerni innersuussinernilu peqataaneq kiisalu ammasumik oqaloqatiginninnernut peqataaneq.

Ilaqutariinnik katsorsaanerup pitsaassusianik qularnaarineq, soorlu nalunaarsuiffinnut nalunaarsuisoqartarnissaanik, pilersaarusianik malitseqartitsisarnernernik, killiffinnik nalunaarusiortarnernik, nalunaarsuisussaatitaanermik ilisimatitsisussaatitaanermillu qularnaarineq.

Suliatigut ineriartorneq, suleriaatsip aaqqissugaasumik, ataatsimut isiginnilluni aaqqiissutissanullu sammisut atorneqarnissaannut qularnaareqataallutit suliatigut ineriartorneq, kiisalu periaatsinik sakkussanillu ineriartortitsineq atuutsitsinillu.

Suliffiup iluani avataanilu suleqatinik assigiinngitsunik suliaqarfinni assigiinngitsuni suleqarneq.

Pikkorissaanernik suliniutinillu piviusunngortitsineq, soorlu Ilaqutariittut ineriartornermut pikkorissaanerit kiisalu Manu-mik pikkorissaanerit, kiisalu eqimattatut ingerlasunut suliniutinullu allanut tapersersuineq.

Aaqqissugaanikkut suliassat, soorlu allannguinernik aqutsineq kiisalu politikkikkut naleraliussanik timitaligassanngortitsineq timitaliinerlu, kiisalu ilaqutariinnik sullissiviup aqutsisuata peqannginnerani tassunga taartaaneq.

Illoqarfinnut nunaqarfinnullu angalaneq kiisalu annertuumik nalaassinerluttoqarnerani upalungaarsimaneq.

Pingaartipparput illit:

  • Cand.psych-itut Cand.pæd.psych-itullu ilinniagaqarsimanissat. 
  • Meeqqat ilaqutariillu akornganni misilittagaqarnissat, ingammik ilaqutariinni annertuumik ajornartorsiutilinnik eqqugaaratarsinnaasuni suliaqarsinnaanissaq.
  • Meeqqanut, inuusuttunut inersimasunuttaarlu toqqissimasumik tatiginassuseqartumillu kiinnerartuunissat attaveqariaaseqarnissallu.
  • ataatsimut isiginnittaaseqartutita ineriartortitsinissamillu ilisimasaqarluarnissat isumalluutillu qitiutinnissaannik piginnaaneqartuunissat.
  • nammineersinnaassuseqarnissatn, taamaattorli taamaalisukkut suliffiup iluani avataanilu suleqatit ataasiakkaarlugit tapertariillunilu suleqatigiinnermik pisinnaassuseqarnissat.
  • kulturimik nutaamik allaanerusumillu ilisarisimannilernissannut tunngatillugu alapernaatsuunissat ujartuinissallu.

Iluaqutaasaaq illit:

  • Ilaqutariinnut isumaginninnermut katsorsaanermulluunniit ilinniaqqissimanissaq
  • Isumaginneriaatsimut aaqqissuukkamik naappertuuttumillu misilittagaqarnissat 
  • Kalaallit Nunaanni inuiaqatigiinni pissutsinut ilisimasaqartutit
  • Kalaallisut qallunaatullu oqalussinnaasoq allassinnaasorlu.

Pineqaatissinneqarsimannginnermut aamma meeqqanik pinerliisimannginnermut uppernarsaat:

Atorfik una meeqqanik innarliisimannginnermut aamma pineqaatissinneqarsimannginnermut uppernarsaatinik pissarsinissamut piumasaqaateqarfiuvoq. Inatsit naapertorlugu kommune meeqqanik pinerliisimannginnermut aamma pineqaatissinneqarsimannginnermut uppernarsaatinik naammaginartutut isigineqartunik pissarsereerpat atorfinitsitsiniarneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit tiguppagit atorfininnissaq isumaqatigiissutigineqassammat. 

Qinnuteqartup akuersineratigut pinerluuteqarsimannginnermut uppernarsaat politiiniit kommunip pissarsiariniassavaa.

Akissarsiatigut atorfinitsitsinermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

Sapaatip akunneranut akunnerit 40-t suliffiupput. 

Ineqarneq:

Atorfimmut atatillugu sulisunut inissiamik innersuussisoqarsinnaavoq, tassunga qularnaveeqqusiissut, ineqarnermut akiliut, atuineq il.il. akilerneqartassallutik malittarisassat Kalaallit Nunaanni Namminersorlutik Oqartussani kommunillu illuutaani il.il. ineqarnermut akiliuteqartarnermut sukkulluunniit atuuttut naapertorlugit. Atorfininnerup kinguninnguagut sulisutut inissamik innersuussisoqarsinnaanngippat sulisut utaqqiisaasumik ineqarsinnaatitaasut utaqqiisaasumik inissaminnik neqeroorfigineqassapput, tassungalu ineqarnermut, atuinermut allanullu siuliani oqaatigineqartut malillugit akiliisoqartassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Annertunerusumik atorfimmut paasisaqarnerorusukkuit Ilaqutariinnut sullissinermut pisortamut Bibi Lund Kielsen-mut saaffigineqarsinnaavoqe-mail: bilk@kujalleq.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik 17. Aggustusi 2026 nittartagarput aqqutigalugu kommunimit tiguneqareersimassapput.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”

Qinnuteqarnissamut killissarititaasoq: aggustip 17.-at, 2026