Kommune Kujalleq isumaginninnermi siunnersortitut ilinniarsimasumik tunniusimasumik ikiorsiissutilerivimmi misilittagalimmi oktobarip aallaqqaataani 2026 atorfinittussamik imaluunniit immikkut isumaqatigiissuteqarnikkut pissarsiorpoq.
Atorfik Qaqortumi inissisimagallarpoq, aaqqissuussaanikkullu isumaginninnermut pisortaq qaninnerpaatut qullersaralugu. Kommune Kujallermi ikiorsiissutilerivimmiipput siuinaartumik pensionsialinnik utoqqalersialinnillu allaffissornikkut suliassaqarfik, pisortanit ikiorsiissutilerivik, erninisiortilerivik, meeqqanut tapit kiisalu meeqqanut akilersuutit, illoqarfinni innuttaasunik sullissivik.
- Kommunip pigisaani tamani sullissinermik susassaqarfiup assigiissaartup, eqaatsumik ingerlatsiviusup sullissanullu inussiarnisaarfiusup pilersinneqarnissaa merserinngiliuk?
- Susassaqarfiit allat immikkoortullu assigiinngitsut suleqatigiiffiisa toqqaannartumik suleqatiginissaat nutaatut sapiissusseqarfigaajuk?
- Pisarneq malillugu suleriaatsit eqaatsumik ajornaatsumillu ingerlanneqarsinnaasunngortissinnaavigit, taamaalillutik sullissisut innuttaasunik oqaloqateqarnissaminnut, apersorneqarnissaannut, qanoq innerannik ataasiakkaarlugillu siunnersornissaannut piffissaqanerusinnaaniassammata, taamatuttaarlu aningaasaqarnertik suliamullu tunngasutigut inuttullu ineriartornermi qanoq pitsanngorsaaviginissaat iliuuseqarfigalugu?
Taamaassimaguit sulianik aqutsisussatsitut nutaatut qinnuteqassaatit.
Suliffiup naatsumik ilisaritinneqarnera
Suliami pisortatut susasssaqarfik pingaarutilik qitiusumik najugaqarfimmilu inuiaqatigiit ineriartornerat najoqqutaralugu ineriartortoq akisussaaffigissavat. Suliassaqarfik sunniuteqarfigilluarsinnaavat tassami ingerlatsivik suli ineriartorpoq kiisalu atugarissaarnerulernissaq pilersinniarlugu oqartussatut sulisarnerup saniatigut suliat innuttaasunik nammineersinnaalernissaat siunertaralugu sulisut innuttaasunik sullissinerannik pitsanngorsaataasunik ilaartorneqartussaapput.
Naatsorsuutigaarput illit:
- Isumaginninnermut inatsit ilisimasaqarfigilluassagit, ingammik susassaqarfiit ataasiakkaat inatsisaannut tunngatillugu.
- Aqutsinermik mislittagaqartutit, suliassallu pullavigineranni suleqatiginnusussuseqarlutillu innuttaasunut sullisserusussuseqarluassasutit.
- Aqutsisutut nakkutilliinermik misilittagaqartutit aammalu saaffiginnissutit allallu ingerlanneqarnerisa suliassalerinermut malittarisassat naapertorlugit pinissaannik misilittagaqartutit.
- Sulifeqarfittut ineriartuutissatsinnik aaqqiissutissiortarneq sungiusimaannarit kiisalu kommunip aggululluni eqqarsartarnerup qimanneqarnissaa sulissutigissagit.
- Ilinniakkatigut nukittuumik inissisimasutit aammalu pisortaaffigisatit annaanaveersaaginnarlugit sulinak toqqissillutit pissusissamisuuginnartumillu aqutsisunik allanik suleqateqarsinnaassuseqartutit.
- Kommunimi qarasaasiatigut atortut ilisimasaqarfigigitit aammalu innuttaasunik sullissineq pitsaanerulersinniarlugu taakku ineriartortinneqarnissaannut sapiissuseqartutit.
- Suliassaqarfimmi suliassalerisunut ilitsersuinissannut, maligassiuinissamut, kajumissaanissamut kiisalu allanngueqataanissamut suliatigut eqeersarnissaannik assut piumassuseqartutit
- Siumut isigalutit eqqarsarsinnaassuseqassaatit suliffeqarfillu ataatsimut isigisinnaasariaqarlugu.
- Qinikkat sulinerannut tunniusimassaatit qinikkallu pitsaanerpaamik sullitarissallugit.
- Suliassaqarfiit ineriartortissavat inatsisillu atuuttut malissallugit.
- Missingersuutinik aqutsinermut akisussaassaatit suliassaqarfinnilu missingersuutit eqqortissallugit.
- Sulisut ingerlalluarnissaat ineriartornissaallu sammilluassavat ingerlatsivimmilu suliffimmi avatangiisit pitsaasuunissaat suleqataaffigissallugu.
Uku neqeroorutigivavut
- Suliassaqarfiup iluani nammineq nutaaliornissannut periarfissaqarluarlutit atorfeqassasutit.
- Suliffik illit pitsaasumik ataavartumillu sunniuteqarnissaanut periarfissaqarfigisat
- Sulisunut tunniusimasunut pikkorissunullu, killissaa tikillugu ilinnik suleqatiginnnikkumasunut aqutsisunngussasutit.
- Suliffeqarfik ineriartorfiusoq, illillu nammineq sammivissaatsinnik assut aalajangeeqataaffigisinnaasat.
- Aqutsisoqatigiit suleqatigiinnerminni paasisimasaqassusermik isummersoqatigiinnermillu pingaartitaqartut ilagilissavatit.
Pinerluuteqarsimannginnermik uppernarsaat:
Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu aatsaat atorfinittoqarsinnaavoq kommunip pinerlussimannginnermik allagartaq tigunerata kingorna. Atorfinitsitassamik toqqaaniarnermi pinerlussimannginnermut uppernarsaat kommunimi naliliinermut ilaatinneqassaaq.
Akissarsiatigut atorfimmilu atugassarititaasut, aamma atorfininnermi soraarnermilu pisattat angallanneqarnerat, pissapput Namminersorlutik Oqartussanit kommuninilu allaffissornikkut pisortat pillugit ASG-ip isumaqatigiissutai atorfininnermi atuuttut sulianik aqutsisut akissarsiaannik qaffasissusiliinermut tunngasut naapertorlugit.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.
Atorfik pillugu sukumiinerusumik paasisaqarusukkuit attaviguuk Isumaginninnermut pisortaq Martha Abelsen e-mail maab@kujalleq.gl telefon + 299 64 80 57
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik septembarip 11-iat 2026.
MALUGIUK: Qinnuteqaatit pappilissatigut mailikkulluunniit tiguneq ajorpavut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.
Qinnuteqarnissamut killissarititaasoq: septembarip 11.-at, 2026
