Nuummi anorersualernissaa ilimasaarutigineqarmat Air Greenlandip timmisartuussinissai GL 779 aamma GL 780 tallimanngornermi novembarip 6-ani taamaatinneqarput. Timmisartuussinerit taakku arfininngornermut novembarip 7-anut kinguartinneqarput.
Ilaasussat pineqartut angalanissamut pilersaarummik nutartikkamik nassinneqassasut Air Greenland ilisimatitsivoq. Kinguartitsineq pissutigalugu ilaasut akornusersorneqarnerat Air Greenlandip ajuusaarutigaa.
