Avannaani kitaani aqutsiveqarfimmi sunngiffimmi kapisilinniartut qassutaat kingusinnerpaamik oktobarip 26-anni qaqinneqarsimassapput. Pisat pillugit nalunaaruteqartoqanngippat 2027-mi kapisilinniarnissamut akuersissummik pissarsisoqarsinnaassanngilaq.
Kalaallit Nunaanni Aalisarsinnaanermut Piniarsinnaanermullu Nakkutilliisoqarfiup (GFJK) nalunaarutigaa avannaani kitaani aqutsiveqarfimmi sunngiffimmi kapisilinniarneq unitsinneqartoq.
Tamatuma kingunerisaanik aqutsiveqarfimmi pineqartumi sunngiffimmi aalisartut kapisilinniutitik kingusinnerpaamik oktobarip 26-anni qaqereersimassavaat.
Aalisarsimanngikkaluaraanniluunniit nalunaaruteqartoqassaaq
GFJK-p aalisartut kajumissaarpai aalisareernermik kingorna sapinngisamik piaartumik pisaminnik nalunaaruteqartaqqullugit.
Kapisilinniarnissamut akuersissuteqartut tamarmik nalunaaruteqartussaapput. Tamanna aamma atuuppoq aalisarsimanngikkaanni imaluunniit aalisarsimagaluarluni pisaqarsimanngikkaanni. Taamatut pisoqartillugu pisaqarsimannginneq nalunaarutigineqassaaq.
Nalunaaruteqarneq kingusinnerpaamik novembarip arfernganni 2026-mi pissaaq. Piffissarititaasoq taanna qaangerlugu nalunaaruteqanngitsut 2027-mi kapisilinniarnissamut akuersissummik tunineqarsinnaassanngillat.
