Sermersooq

Atuarfik Inussuk atoqqaartinneqarpoq

Atuarfik Inussuk sisamanngornermi pisortatigoortumik atoqqaartinneqarpoq, malunnartitsinermilu qaaqqusanut ilaapput suleqatigineqarsimasut allallu atuarfiup nutaap piviusunngortinnissaanut suleqataasimasut.

Ulloq aallartillugu atuarfiup pisortaa tikilluaqqusivoq AKO-miillu erinarsortoqarluni. Taassuma kingorna atuarfiup sananeqarneranut atatillugu suleqataasut arlallit oqalugiarput – taakkununnga ilaalluni borgmester Avaaraq Olsen.

”Atuarfimmik pilersaarusiorsimasut, titartaasimasut sanasimasullu tamaasa qutsavigaagut. Sulisut, aqutsisut, atuarfimmi siulersuisut aamma suleqatigisartakkat, qujanaq sulinermi peqataasimanissinnut. Minnerunngitsumik ilinniartitsisut allallu sulisut atuarfinnik marlunnik ataatsimoortunngortitsiniarluni sulinermi tapersiisimasut, suleqataasimasut nukippassuarnillu atuisimasut qutsavissaqarfigaagut. Atuartuttaaq atuarfimmi maanna uumassuseqalersitsimmata qujanaq,” Avaaraq Olsen oqarpoq.

Nipilersortoqarportaaq, atuarfiullu ilisarnaataa nutaaq saqqummiunneqarluni. Taassuma kingorna qaaqqusat atuarfimmut takornariartinneqarput.

Arfininngorpat tamanut atoqqaarfissiortitsinissaq

Atoqqaarfissiortitsineq arfininngorpat nanginneqassaaq, tassami Atuarfik Inussuk innuttaasut kikkulluunniit takusarsinnaassavaat. Kikkut tamarmik atuarfimmik nutaamik alakkaallutik isersinnaanissaminnut periarfissaqassapput.

  • Atuartut atuarfittaarniarlutik ukiut marluk utaqqipput. Ikuallattoornissamut isumannaallisaanermi piumasaqaatit kingusinaarluni paasineqarput

  • Invitation: Kittat 45 år

    Ammerivik Kittat ukiuni 45-ni nalliuttorsiussaaq kalaallillu annoraavinut tunngatillugu nittartagartaarluni

  • Tasiilami najukkami nerisassat takornarianut misigisassanik amerlanerusunik pilersitsissapput