Naalakkersuisut Siulittaasuat, Jens-Frederik Nielsen, ministeriuneq Mette Frederiksen kiisalu USA-mi præsident Donald Trump ullumi isumaqatigiissummik atsioqatigiipput, tassuunalu Issittumi Altantikullu Avannaani sillimaniarneq nukittorsarneqarluni.
Naalakkersuisut Siulittaasuat Jens-Frederik Nielsen oqarpoq:
”Isumaqatigiissummi uagut inuiattut namminneerluta aalajangiisinnaassuseqarnerput akuersaarneqarpoq. Peqatigisaanillu Issittumi sillimaniarnermut ataatsimoorussamut peqataasutut akuersaarneqalerpugut.”
Ministeriuneq Mette Frederiksen oqarpoq:
”Ullumikkut isumaqatigiissutitsialak atsioqataaffigaarput. Kalaallit Nunaat, Kunngeqarfik Danmark USA-lu pillugit. Aamma NATO Europalu pillugit. Isumaqatigiissut tamatta illersornissatsinnut sillimaniarnitsinnullu ataatsimoorfigisatsinnut nukittorsaassaaq. Isumaqatigiissut NATO-mi suleqatigiinnermut attuumassuteqarluinnartoq. Isumaqatigiissummi Kunngeqarfiup Danmarkip nammineerluni oqartussaassuseqarfeqarnera, naalagaaffiup killeqarfiisa illersugaanerat kalaallillu namminneq aalajangiisinnaassuseqarnerat akuersaarneqarput.”
Isumaqatigiissut tamakkerlugu uani atuarneqarsinnaavoq.
Atsioqatigiinneq New Yorkimi Naalagaaffiit Peqatigiit illorsuani pivoq. USA, Danmark Kalaallillu Nunaat tamarmik immikkut isumaqatigiissut atsiorsimasoq pigissavaat, tulleriinneri naapertorlugit tuluttut danskisut kalaallisullu. Isumaqatigiissut atuutilissaaq inatsisartuni periutsit pisariaqartinneqartut aqqutigalugit akuerineqarpat.Naalakkersuisut Siulittaasuat, Jens-Frederik Nielsen, ministeriuneq Mette Frederiksen kiisalu USA-mi præsident Donald Trump ullumi isumaqatigiissummik atsioqatigiipput, tassuunalu Issittumi Altantikullu Avannaani sillimaniarneq nukittorsarneqarluni.
Naalakkersuisut Siulittaasuat Jens-Frederik Nielsen oqarpoq:
”Isumaqatigiissummi uagut inuiattut namminneerluta aalajangiisinnaassuseqarnerput akuersaarneqarpoq. Peqatigisaanillu Issittumi sillimaniarnermut ataatsimoorussamut peqataasutut akuersaarneqalerpugut.”
Ministeriuneq Mette Frederiksen oqarpoq:
”Ullumikkut isumaqatigiissutitsialak atsioqataaffigaarput. Kalaallit Nunaat, Kunngeqarfik Danmark USA-lu pillugit. Aamma NATO Europalu pillugit. Isumaqatigiissut tamatta illersornissatsinnut sillimaniarnitsinnullu ataatsimoorfigisatsinnut nukittorsaassaaq. Isumaqatigiissut NATO-mi suleqatigiinnermut attuumassuteqarluinnartoq. Isumaqatigiissummi Kunngeqarfiup Danmarkip nammineerluni oqartussaassuseqarfeqarnera, naalagaaffiup killeqarfiisa illersugaanerat kalaallillu namminneq aalajangiisinnaassuseqarnerat akuersaarneqarput.”
Atsioqatigiinneq New Yorkimi Naalagaaffiit Peqatigiit illorsuani pivoq. USA, Danmark Kalaallillu Nunaat tamarmik immikkut isumaqatigiissut atsiorsimasoq pigissavaat, tulleriinneri naapertorlugit tuluttut danskisut kalaallisullu. Isumaqatigiissut atuutilissaaq inatsisartuni periutsit pisariaqartinneqartut aqqutigalugit akuerineqarpat.
