Kalaallit Nunaanni Aalisarnermut Piniarnermullu Nakkutilliisoqarfik nalunaaruteqarpoq aqutsiveqarfinni Nuuk-Paamiut aamma kujataata kitaani inuussutissarsiutigalugu aalisartunut kapisilinniarneq unitsinneqarpoq.
Kapisilinnut qassutit tamarmik aqutsiveqarfimmi pineqartumi kingusinnerpaamik septembarip 21-at qaqinneqariissapput.
KANUAPNA aalisartut aalisareertillutik pisatik piaarnerpaamik nalunaarutigisassammatigit aammaarluni kaammattuivoq. Erseqqissaatigineqassaaq akuersissuteqartoq aalisariarsimanngikkaluarpat pisaqarsimanngikkaluarluniluunniit aamma nalunaaruteqartussaammat. Taamaammat kingusinnerpaamik oktobarip 2-i 2026-mi nalunaaruteqartoqassaaq. Kingusinnerpaamik oktobarip 2-i 2026-mi nalunaaruteqartoqanngippat, 2027-mi kapisilinniarsinnaanermut akuersissummik pisoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi “Kapisilittatit nalunaarutigikkit” atuarneqarsinnaapput.
