SIK-p aamma Naalakkersuisut piffissamut 2026-2028-mut isumaqatiginninniarmi angusat nutaat ulloq 29. juli 2026 atsiorpaat.
Pitsaasumik pissarsiffiulluartumillu isumaqatiginninniartoqarpoq, aamma illuatungeriit angusamik ataatsimoortumik angusaqarnissaminnut naapissinnaaneri naammagisimaarnartutut taamaallaat oqaatigineqarsinnaavoq.
Piffissaq isumaqatigiissutigineqartoq tamatumuuna nalinginnaasumik naaneruvoq, ukiunummi marlunnut atuuttussamik aalajangersaasoqarmat. Nunarsuarmi aningaasaqarnikkut pissutsit nalorninartoqarneri taakkualu sunniutai ilaatigut tamatumunnga peqqutitut isigineqassapput, matumani akit siunissami ineriartorumaarnerisa nalorninartoqarneri ilanngullugit. Akit ineriartorneri SIK-mi ilaasortanut assut pingaaruteqarput.
SIK-p suliaqarfianut ukiumut 6.645-it missaat ilaapput, taakku ilinniakkatigut suliaqarfinnut assigiinngitsunut siammasissunut isumaqatigiissutit 18-inut agguataarnikuupput.
Isumaqatigiinninniarnermi angusat illuatungeriit tunuliaqutaannit taasissutigineqartussanngorlugit aamma akuerineqartussanngorlugit massakkut nassiunneqassapput. Angusat tamakkiisumik akuerineqareerunik, inaarutaasumik isumaqatigiissutaasut atuutilersinnaapput, aamma akissarsiat nalimmassaatissaattut isumaqatigiissutigineqartut akissarsialinnut tunniussuunneqarsinnaalissallutik.
Isumaqatigiissutit ulloq 1. april 2026-mit ulloq 31. marts 2028-mut atuutissapput.
