lloqarfittut ikinngutigiittut ukiunik 60-nngortorsiorneq malunnartillugu Roskildep borgmesteria, ataatsimiititanilu siulittaasut, atorfilittallu Nanortalimmut Qaqortumullu augustip 24-anniit 28-at ilanngullugu tikeraassapput.
Tikeraartoqarnera ukiorpanni ikinngutigiissimaneq pillugu naapeqatigiiffiussaaq, kommunillu marluk akornanni ataqatigiinneq nukittorsarneqassalluni.
-Nanortalimmi ikinngutigiinnerup ukiuni 60-inngortorsiornera malunnartissavarput, malunnartitsinitsinnilu ilaatigut isumaqatigiissut nutartigaq atsioqatigiissutigineqassaaq. Tikeraat kommunip suliffeqarfiinut assigiinngitsunut pulaartinneqassapput, kultisiorfimmullu Nalunamut aamma takornariartinneqassalutik. Tikittussat kommunitsinnut tikilluaqqunissaannut misigisaqartinnissaannunullu qilanaarpugut, Kommune Kujallermi pisortaaneq, Randi Vestergaard Evaldsen oqarpoq.
Tikeraat Qaqortumiinnerminni ilaatigut borgmesteri Malene Vahl Rasmussen naapeqatigissavaat, Aningaasaqarnermut Inuussutissarsiornermullu Ataatsimiititaliaq ataatsimeeqatigissalugu, Innovation South Greenland naapeqatigalugu kiisalu Ineerisaanermut ingerlatsiviup pisortaa Annga Lynge ataatsimeeqatigissallugu.
Naapeqatigiinnerit saniatigut Qaqortup Katersugaasiviani Qaqortup oqaluttuassartaata ilaa kulturilu pillugit katersugaasivimmi misigisaqartinneqassapput.
