Kommune Kujallermi imigassamik tuniniaanermik sassaalliisinnaanermillu inerteqquteqarallartoqarneranik aallaaveqartumik politiit eqqissiviilliornernik suliassaqarsimanngillat.
Marlunngornerup ullaap tungaani Kommune Kujalleq politiiniit nalunaarfigineqarpoq ataasinngornerup unnukkuani unnuaanilu Kommune Kujalleq tamarmi eqqissisimaffiusimasoq.
-Ullut unnuallu kingulliit marluk eqqissisimaffiupput, tamannalu nuannaarutigeqaarput. Ulloq unnuarlu tamakkiisumik takussaasumik nakkutiginnissaagut, pisiniarfiit neriniartarfiillu inerteqqummik malinninnissaat qulakkiissallugu, politikommissæri Michael Karstenskov Olesen, Kujataani politiinut pisortaq, oqarpoq.
Kommuni tamakkerlugu eqqissisimasoqarsimanera Kommune Kujallermiit nuannaarutigineqarpoq. Matusigallarnerli innuttaasut akornanni ernumanermik nalorninermilluunniit misigiffiusinnaammat kommunimiit qanimut malinnaaffigaarput.
Oqartussaniillu assigiinngitsuniit paasissutissaqartillugu innuttaasunut qanimut malinnaatitsissalluta
