Inuusuttut Qaqortumi Playmaker Camp-ertinneqarneranni Narsamiit Nanortalimmiit Qaqortumiillu peqataasut playmakerinngorput.
Kommune Kujalliup aamma Kalaallit Nunaanni Timersoqatigit Kattuffiata suleqatigiillutik suliniutaat Game Greenland aaqqissuussaavoq inuusuttut illoqarfigisaminni inuusuttoqatiminnut timimik aalatitsinermik sammisaqartitsisussanngorlugit.
Sammisaqartitsisartunngortullu Playmaker Camp Qaqortumi juunip naanerani ingerlanneqarmat Narsamiit, Nanortalimmiit, Qaqortumiillu inuusuttut 14-iniit 25-t tikillugit ukiullit 32-it peqataapput.
– ”Maligassiuineq” qulequtaralugu peqataasunut nuannisarfiusumik akuulluarfiusumillu Camp ingerlanneqarpoq. Campimi isikkamik arsaneq, Basket ball, qitinneq aamma Girl Zone eqimattanngorlunilu apeqqutinik assigiinnitsunik sammisaqarnerit ingerlanneqarput, Kommune Kujallermi Timersornermik Peqatigiiffilerinermilu siunnersorti, Bolethe Stenskov oqaluttuarpoq.
Playmakerinngortut sumiiffigisaminni ukiamut aaqqissuussat suut peqataaffigissanerlugit qanorlu aaqqissuissanerlutik isumaqatigiissutigalugu Playmaker Camp naammassivaat.
Qaqortumi Camp ingerlanneqartoq juunip 27-anni aamma 28-anni ingerlanneqarpoq.
