Upalungaarsimermut nersornaat 2025-p tunniunneqarnerani South Greenland Boat Charter 44-mi piginnittoq Poul Erik Frederiksen nersornaaserneqarpoq.
Nersornaaserneqarneranut tunngavilersuutaapput imaani angallannikkut ajornartoortoqarnerani nammineq kajumissutsimik ikiuukkiartortarnerpassui, aamma annaassinernik kinguneqartartut.
-Sillimaniarneq eqqarsaatigalugu imaani angallannikkut ajornartoortoqartillugu suliffeqarfittut nammineq kajumissutsimik ikiuuttuartarnerat aamma inunnik aannaassinernik kinguneqartartoq, innuttaasunit aammalu upalungaarsimanermik suliaqartunit maluginiarneqarsimavoq. Taama tunniussimalluni ikiuisarneq takutittagaat inuiaqatigiinnut tunissutaavoq nalitoorujussuaq, nersugassaasorlu. Taamaattumik Kommune Kujalliup upalungaarsimanermut nersornaasiuttagaanik pineqartumut tunniussineq inissaminiilluinnarpoq, borgmesteri Malene Vahl Rasmussen oqarpoq.
Kommune Kujalliup upalungaarsimanermut nersunnaasiuttagaa 2025, juunip 19-ianni 2026-mi Qaqortumi qinikkat ataatsimiittarfianni tunniunneqarpoq.
