Ilulissani upernaakkut saliinermi ukioq mannattaaq innuttaasut suliffeqarfiillu ataatsimut anguniagaqarlutik peqataapput, tassalu illoqarfiup eqqiluitsuutinneqarnissaa.
Arfininngornermi ulloq 6. juuni Ilulissani suliniut Saligaatsoq ingerlanneqarpoq, illoqarfimmi innuttaasut suliffeqarfiillu takkussuupput ikiuukkiartorlutik. Peqatigiillutik Ilulissat eqqiluitsuunerulernissaat anguniarlugu annertuumik suliaqarput.
Suliffeqarfinnut tunissuteqartunut immikkut qujarusuppugut, taakkumi assartuinermik, saliinermi atortussanik tumannguersaatissanillu tunissuteqarmata.
Ukuupput:
The Glacier Shop
Hotel Hvide Falk
Hotel SøMa
Masanti A/S
Brugseni Ilulissat
Sisak Diesel ApS
Hjul og Sparre Byg
Ilulissat Service
Pisiffik
Disko Line
Hotel Icefjord
Ilulissat Transport / Tankeeraq
Blue Water
Bisgaard
Stark
Qulaani taaneqartunut suliffeqarfinnut, Saligaatsoq 2026-mi immikkut ikiuulluarsimasunut, qujaniutitut Avannaata Kommunia sapaatip akunnerani matumani tallimanngorneq nal. 16:00 tikillugu eqqagassanik, eqqagassanik immikkoortiterinermut minnerpaamik piumasaqaatit naapertorlugit immikkoortiterneqarsimasunik, akeqanngitsumik tunniussisinnaanissamut periarfissiivoq.
Peqataasimallusi akiliisussaanngikkaluarlusiluunniit, eqqagassanik ikuallaavimmut tunniussinissinni oqimaalutarnissaat nalunaarsorneqarnissaallu eqqaamagisiuk. Taamaaliornikkut eqqakkat assigiinngitsut qanoq annertutigisut tiguneqarnerat malinnaavigineqarniassammata.
