Aqutsiveqarfimmi Avannaani Kitaani inuussutissarsiutigalugu aalisartut kapisilinniutitik kingusinnerpaamik oktobarip 9-anni qaqereersimassavaat. Pisarisanik nalunaaruteqannginneq 2027-mi kapisilinniarnissamut akuersissummik pissarsisinnaannginnermik kinguneqassaaq.
Aqutsiveqarfimmi Avannaani Kitaani inuussutissarsiutigalugu aalisartut kapisilinniarnerat unitsinneqassaaq. Tamanna Kalaallit Nunaanni Aalisarsinnaanermut Akuersissutinik Nakkutilliisoqarfiup, KAAN-ip, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit nalunaarummi ilisimatitsissutigaa.
Tamaani inuussutissarsiutigalugu aalisartut kapisilinniutitik tamaasa kingusinnerpaamik oktobarip 9-anni qaqereersimassavaat.
KAAN-ip aalisartut kajumissaarpai aalisareernermik kingorna pisatik sapinngisamik piaarnerpaamik nalunaarutigeqqullugit. Kapisilinniarnissamut akuersissuteqartut tamarmik nalunaaruteqartussaatitaapput – aamma aalisarsimanngikkaluarunik imaluunniit aalisaraluarlutik pisaqarsimanngikkaluarunik. Taamatut pisoqartillugu pisaqarsimannginneq, tassa 0-nik pisaqarneq, nalunaarutigineqassaaq.
Nalunaaruteqarnissamut killigititaq tassaavoq 2026-mi oktobarip 23-at. Kingusinnerpaamik ulloq taanna nalunaaruteqarsimanngitsut 2027-mi kapisilinniarnissamut akuersissummik tunineqarsinnaassanngillat.
Nalunaaruteqartarneq pillugu paasissutissat Sullissivik.gl-imi »Rapporter din laksefangst« ataani nassaarineqarsinnaapput. Pisarisanik nalunaarutit aamma e-mailikkut gfjk@nanoq.gl-imut nassiunneqarsinnaapput.
Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaatikkut 34 50 00-imut imaluunniit e-mailimut tassunga saaffigineqarsinnaavoq.
Paasissutissarsiffik: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik.
