Asmus Hansen Ukiut 40-t sinnerlugit upalungaarsimanermik suliaqarsimasoq, Kommune Kujallermi Upalungaarsimanermut pisortaanerminiit soraaninngorpoq.
Inuk qanilaartoq, inoqatiminut ataqqinnittoq, imminut nittarsaattuunngitsoq, nunamullu tunngasoq – tassa Asmusip ilisarnaataasa ilaat.
Asmus Hansen 1982-mi februuarip aallaqqaataani qatserisartunngorpoq, 2014-miillu Narsami Qatserisartut pisortaareerluni 2020-mi Kommune Kujallermi Upalungaarsimanermut pisortanngorluni.
-Asmusip ukiorpassuarni qatserisartoqarnerup silarsuaani sulilluarsimaneranut Kommune Kujalleq sinnerlugu qutsavigingaarpara. Suliffimminummi ataqqinnilluni sulisimavoq, qatserisartuttalu ilinniartsinneqarlutik pitsanngorsartuarnissaannut aqqutissiiuusilluarsimalluni. Qularinngilara sulilluarnermigut inerititai soraarninngornerani ingerlateqqinneqarumaartut, suleqatigisimasaminiillu eqqaamaneqartuarumaartoq. Soraarninngortoq ilaqutaalu siunissamik ajunngitsunik tamanik kissaappakka, Kommune Kujallermi pisortaaneq, Randi Vestergaard Evaldsen oqarpoq.
Asmus Hansen maajip 31-anni 2026-mi Upalungaarsimanermut pisortaanerminiit soraarninngorpoq.
