Amiutaasivikup B-20 eqqaani, angallatinik ukiukkut inissisimatitsisarnermut maleruangassat
Avannaata Kommunia ilisimatitsissuteqarpoq, angallatit inissisimatinneqarsinnaapput piffissami 1. oktober-imiit – 15. juni-imut. Angallataatillip najugaqarfia oqarasuaataatalu normua angallami allaqqassapput, taamaaliornikkut angallat nuunneqartariaqassappat piginnittoq atassuteqarfigineqarsinnaassammat.
Taamaattumik umiatsianik allanilluunniit uninngasuuteqaruit ulloq 15. juni 2026 kingusinnerpaamik Amiutaasivikup eqqaaniik peerneqassapput nunaminertaq kommunimiit allamut atorneqassammat.
Aqqusiningissaaneq aallateqqittussaammat taamaattumik asfalterinissami maskinaq atorneqartussaq Amiutaasiviup eqqaanut inissineqarnikuuvoq aqqusiningissaanerlu 27. juli 2026 aallartinnginnerani nunaminertaq atorneqartussammat piffissaliussaq uninngasuuteqarsinnaanermi malillugu piginnittut pigisani peereersimassavai.
Angallatit piginnittumit akisussaaffigineqarlutik inissinneqarsimapput piginnittullu sillimmasiinissaq nammineq isumagissavaa, kommuni tamassumunnga akisussaasuutinneqarsinnaanngilaq.
Nunaminertami B-20-p eqqaaniittumi karsinik, containerinik, qamutinik, nappartanik, snescooterinik imaluunniit pigisanik umiatsiaanngitsunik umiatsianulluunniit ilitsiviunngitsunik inissiisoqaqqusaanngilaq.