Tasersuup atuarfia immikkut ittumik atuartitsivimmut ilinniartitsisussarsiorpoq

2026-mi September aallaqqaataani, isumaqatigiissuteqarnikkulluunniit atorfinititsisoqassaaq.

Suleqataalerusukkuit atuartut ilikkarusussusillit sullitissavatit, suleqatillu maannakkut inuiaat ineriartornerat aallaavigalugu ineriartortitsinermik suleriaasillit suleqatigissallugit. Atuarfitta aammattaaq nunaqarfiit savaateqarfiillu sullippai taakkunanilu atuartitsineq nakkutigalutigu, taamannalu ilutigalugu suleqatigalugit. Atuartut angerlarsimaffiat Tasersuup Atuarfiata aqutaraa, taamatuttaaq atuartut minnerit atuareernerup kingorna ornittagaat atuarfimmut aamma atasoq qanimut suleqatigalugu.

Tasersuup Atuarfiani atuaqatigiinnik immikkut ittunik atuartitsisarpoq taakkununnga ilaalluni Tungujortuaraq. Tungujortuaqqami sulisut pitsaasumik suleqatiginerisigut ilaatigut atuartut immikkut pisariaqartitsisut atuartinneqartarput. Tasersuup Atuarfiata atuarfiup avataanit suleqateqatit ammaffigalugit suleqatigilluartarpai. 

Naatsorsuutigaarput: 

  • Ilinniarsimasutut ilinniagaqarsimasutit.
  • Atuartut angajoqqaallu attaveqarfigilluarsinnaallugillu suleqatigilluarsinnaagitit.
  • Atuartitsineq aqussinnaassagit suleqatigisallu allat suleqatigilluarsinnaagitit.

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiatigut atorfeqarnermilu atugassarititaasut

Atorfininnermi uku najoqqutarineqarput: Naalakkersuisut aamma nunatsinni Ilinniartitsisut Kattuffiata IMAK-ip kiisalu Kalaallit Nunaanni Meeqqat atuarfiata akornanni isumaqatigiissutaat 27. august 2014-imeersoq aamma Naalakkersuisut IMAK-illu pingaarnertut isumaqatigiissutaat 28.10.1998-imeersoq najoqqutaralugu.

Atorfinikkiartornermi angalaneq

Atorfininnermut tunngatillugu atorfinerlaanut taassumalu ilaqutaanut akeqanngitsumik angalanissaq isumagineqassaaq, aammalu minnerpaamik ukiuni pingasuni atorfeqareerneerup kingorna inatsisit atuuttut najoqqutaralugit soraarnermi angalanissaq kisalu pigisat assartorneqarnissaat akiliunneqassallutik. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, alittarisassat atuuttut najoqqutaralugit ineqarnermut akiliutit allallu akilerneqartartussamik.

Annerusumik paasisaqarusukkuit

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissamut tikilluaqqusaavutit:

atuarfimmi pisortaagallartoq, klun@kujalleq.gl telefon: +299 64 82 22

MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnermut immersugassaq

Uatsinni ilinniartitsisunngorusullutit soqutiginnilersimaguit, Qinnuteqaat qulequtserlugu atorfiup ilisarnaataa 26-148 -mik qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  3. August. 2026.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”

Qinnuteqarnissamut killissarititaasoq: aggustip 3.-at, 2026