Sulilerfissaq: 01. Juni 2026 allatulluunniit isumaqatigiissuteqarnikkut
Kommunitta innuttaasunut ikiuinissamut pisussaaffianik innuttaasunut pisariaqartitsisunut sullisseqataarusuppit? Kommuni Qeqertalik Qeqertarsuarmi Inunnik Isumaginnittoqarfik socialsagsbehandlerimik sulisussarsiorpoq 01. Juni 2026 allatulluunniit isumaqatigiissuteqarnikkut atorfinittussamik.
Isumaginnittoqarfimmi sullissisut allat suleqatigissavatit Inunnik Isumaginnittoqarfimmi aqutsisoq qaninnertut qullersarissallugu. Atorfimmut ilaavoq inunnik isumaginnittoqarfiup suliassai amerlasuut assigiinngittullu suleqatigiilluni suliarineqartassasut suleqatit peqatigalugit, naatsorsuutigineqassasorlu socialvagtiusarnissaq.
Suliassaqarfiit akisussaaffiillu makkuussapput:
·Innuttaasut qinnuteqaataat assigiinngitsut Inunnik Isumaginnittoqarfimmit tiguneqartut aallaavigalugit sullissineq
·Aningaasaqarnikkut misissuineq tunngavigalugu qulakkeerinninnerit ingerlallugit nalimmassarlungillu suliaqarfiup iluani aaliangersakkat tunngavigalugit
·Innuttaasup aningaasaqarnerata inissisimanera aallaavigalugu misissuineq nalilersuinerlu susassaqarfinnut aaliangersimasunut assigiinngitsunut attuumassuteqartut peqqussutaasut malillugit
·Innuttaasunik aningaasaqarnikkut siunnersuineq
·Iliuusissamik pilersaarutiliornerit innuttaasoq qanimut peqatigalugu
·Pinasuartumik ikiorserneqarnissamik saaffiginnissutit suliarineri
·Inunnik isumaginnittoqarfiup iluani suliassanut allanut assigiinngitsunullu ingerlatseqataalluni akisussaaqataallunilu suleqataaneq
Piginnaasat:
·Isumaginninnermi Siunnersortitut ilinniarsimaneq, Rådgivningsassistent-itut ilinniarsimaneq, HK-tut ilinniarsimaneq isumaginninnermi inatsisilerinermut pikkorissarsimanernik ilalik imaluunniit Isumaginninnermi Ikiortitut isumaginninnermi inatsisilerinermut pikkorissarsimanernik ilalik imaluunniit taamatut pikkorissarnissamut piumassuseqarneq. Imaluunniit Inunnik Isumaginnittoqarfimmi sullissinermut assigusunulluunniit misilittagaqarneq.
·Meeqqanik inuusuttuaqqanik ilaqutariinnillu sullissisutut misilittagaqarneq.
·Isumaginnittoqarfimmi aningaasatigut sullissinermik misilittagaqarneq.
·Tulleriissaarisinnaaneq, tatiginassuseqarneq, tunniusimaneq, akisussaassuseqarlutit maligassiuisinnaallutillu, pissuserissaarnissamut piumasaqaatit naammasisinnaallugit.
·Sullitanik attaveqarsinnaaneq oqaloqateqarsinnaanerlu.
·Inuk uannga atorfimmik tigummiartussaq tarnikkut nukittuujusariaqarpoq.
Akissaatit atorfininnermilu atugassarititaasut:
Atorfininnermi atugassarititaasut Naalakkersuisut isumaqatigiissut atuuttoq naapertorlugu atorfinitsitaaneq pissaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Atorfik pillugu annertunerusumik paasisaqartoqarsinnaavoq Inunnik Isumaginnittoqarfimmi aqutsisumut Gerda B. Heilmann oqarasuaat 701900 imaluunniit e-mail gbhe@qeqertalik.gl saaffiginninnikkut.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: maajip 26.-at, 2026
