Meeqqat immikkut ikiorserneqarnissaminnik pisariaqartitsisut, ulluinnarni toqqissillutik peroriartornissaannut qulakkeerinneqataarusuppit? Taava illit pisariaqartippatsigit
Meeqqat inuusuttullu ulloq unnuarlu angerlarsimaffiat Qasigiannguaniittoq Immikkoortortami aqutsisussarsiorpoq 7. Maj 2026. Imaluunniit isumaqatigiinnikkut.
Puilasoq
Angerlarsimaffik 2024-ip ingerlanerani meeraarussimavoq, Kommune Qeqertalimmi kommunalbestyrelsep pingaartippaa ulloq unnuarlu angerlarsimaffiup ammaqqinnissaa.
Angerlarsimaffik meeqqanik arfineq pingasunik meerartaqarsinnaavoq, perorsaanikkullu anguniagaavoq meeqqamut / inuusuttumut avatangiisaanut eqqissisimanermik aamma toqqissisimanermik angerlarsimaffippalaartumillu pissutsinik pilersitseqataasussat, ineqartut inuunerminnik imaqartunik, akisussaassusilimmik peqataaffiusumillu timikkut tarnikkullu pitsaasumik ineriartornissaannut qulakkeerinninnissaq. Sapaatip akunneranut 40 time suliffigisassallungit, vagtsiuneq piffissani nikerartuni,sapaatip akunnerata naaneri allortarlugu freerneq, ulluinnarnilu aamma freerneq freerfigisassallungit.
Akisussaaffiit ilaat;
·Kommune Qeqertalimmi naleqartitat pingaartillugit, ulluinnani sulinermi anguniartuassallugit.
·Najugaqartunut ullormut ingerlanermi aaqqissuussamik, toqqissisimanartumik ineriartortitsinermillu tunngaveqartumik avatangiiseq pilersinneqarnissaa.
·Immikkoortortami sulisut aqutsinerat, kajumissaarnerat ineriartortinnerallu.
·Ullormut ingerlatsinermi pilersaarusiorneq, aaqqissuussineq aammalu suleriaatsinik malitseqartitsineq (vagtplaner, ataatsimiinnerit, suliassat).
·Nalunaarusiornerit, allattukkat, pilersaarutit aammalu meeqqanut/inersimasunut tunngatillugu nalilersuinerit malinnaavigineq.
·Suleqatigisat assigiinngitsut, soorlu oqartussaasut, angajoqqaat/qaningisaasut aammalu avataaneersunik suleqateqarneq.
·Sapaatip akunneranut ataasiarluni unnukkoorneq
·Qaammammut ataasiarluni unnuarsiorneq
Pisinnaasat kissaatigineqartut:
·Perorsaasut imaluunniit tassunga assingusumik ilinniaqarsimanissaq.
·Meeqqanut sumiginnagaasimasunut ilisimasaqarnissaq, ulluinnarnilu siunertamut sullissinermik misilittagaqarnissaq.
- Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit.
·Aqutsinikkut ersarissumik qanilaartumillu aqutsineq.
·Ulapaarfiusumi eqqissisimanartumik aqutsisinnaaneq.
- Sakkortusaartuni aalajangiisinnaaneq aammalu nukittussuseq.
- Suliassanut allanngorartartunut piareersimaneq.
Kalaallit kulturiannik ulluinnarni pingaartitsineq, suleriaatsit ilagimmassuk angalaarneq, pilineq il.il.
Qinnuteqaatinut killigititaq tassaavoq ulloq 27. Maji 2026, atorfinitsitsinissamullu oqaloqatiginninnissat qinnuteqarfissap naanerata kinguninngua ingerlanneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Paasissutissat sukumiinerusut
Piffissaq suliffiusussaq sapaatit akunnerannut nalunaaquttap akunnerinik 40-nik sivisussuseqarpoq.
Atorfik pillugu paasissutissanik annertunerusunik pissarserusukkuit, tikilluaqqusaavutit attavigissallugu Puilasumi Pisortaq Pia Grønvold +299 914663 pia@qeqertalik.gl imaluunniit tullersorti Ane Larsen Fly oqarasuaat +299 91 46 64, mail-ikkut; alf@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: maajip 27.-at, 2026
