Kommune Kujalliup qarasaasiakkut siunissaa sammivilerusuppiuk?
Qarasaasianut paasissutissallu isumannaassusianut pisortamik Kommune Kujalleq pissarsiarpoq.
Qarasaasiat atorsinnaaginnaassanngillat.
Suliassanik oqilisaassisariaqarput.
Sulisummi suliassani pisariitsumik suliarisinnaasariaqarpai. Aqutsisut atortorissaarutinik pitsaasunik aalajangiinermilu tunngavinnik pitsaasunik atorfissaqartitsipput. Suliffeqarfillu qarasaasiatigut suli ineriartoqqittariaqarpoq.
Taamaammat Kommune Kujalleq pisortatut atorfimmik nutaamik pilersitsisivoq Qarasaasialerinermut paasissutissanillu isumannaallisaanermut pisortatut atorfimmik.
Ujartorpatsigit illit pissutsinik ataatsimut takunnissinnaasutit kiisalu Pissutsit ingerlallualernissaat anguniarlugu qanoq pisoqartariaqarneranik paasinnissinnaasutit.
Qarasaasiavut nakkutigiinnassanngilatit.
Taakkunuunga siuariarnermut peqataassaatit.
Pisortatut atorfik nutaaq illit sunniuteqarfigisinnaasat
Atorfik Kommune Kujallermi qitiullunilu suliassaqarfinni tamalaani pisariaqartinneqarpoq.
Ulluinnarni qarasaasiatigut ingerlatsinerup, kommunip qarasaasiaqarnikkut ineriartornerata, paasissutissanik isumannaallisaanerup, kiisalu suliffeqarfimmi pisariaqartitsinerup ulluinnarni ataqatigiissinnissaat akisussaaffigissavat.
Taamaammat aamma atorfik siumut immersoqqissaagaariinngitsoq suliffigilissavat.
Pingaarnersiuiffiussaaq. Ilusilersorneqassaaq. Atortorissaarutit suliffeqarfillu ataqatigiilersinneqassapput. Aamma Kommune Kujalliup qarasaasianik suliaqarnera siunissamilu qarasaasiatigut atortunut ikaarsaarnerani sammivik erseqqissoq aalajangerneqassaaq.
Naatsumik oqaatigalugu: Qaraasiaqarnitsinni kapitalip nutaap ineriartortinnissaanut suleqataasinnaavutit.
Suut akisussaaffigilissavigit?
Suliassaqarfiit siammaseqaaq. Aalaakaasumik ingerlatsinermiit isumannaallisaanermut taavalu ineriartortitsinermut, periusissiorneq aqutsisunullu siunnersuisarneq
Atorfimmi uku ilaatigut akisussaaffigissavatit:
o kommunip qarasaasiaqarnerani siunissamut sammiviliissaatit
o Qarasaasiaqarnerup aalaakaasumik ingerlanissaa ineriartornissaalu isumagissavatit
o kommunimi tamarmi qarasaasialerinikkut suliniutit ingerlallugillu ataqatigiissaassavatit
o kommunip paasissutissatigut qarasaasiatigullu attaveqarnermi isumannaassusia pitsanngorsassavat
o kommunip qarasaasiatigut atortorissaarutaatai suussusii ilismaarilerlugillu pingaarnersiuiffigissavatit
o pisisarfiit, isumaqatigiissutit atuinermullu akuersissutit pitsaasumik aqunneqarnissaat isumagissavat
o qarasaasiaqarnikkut assigiimmik periaasissat tunngavissallu ineriartortissavatit
o Aqutsisoqatigiit, aqutsisut, suliassaqarfiillu atortorissaarutit qarasaasialerinerlu pillugit siunnersortassallugit
o suliffeqarfiup pisariaqartitai qarasaasiatigut iliuutsinik aaqqiissutinillu tigussaasunik iliuuseqarfigisassavatit
o atortorissaarutit, aningaasaqarnerup aammalu kommunip siunissamut anguniagaasa ataqatigiilernissaat qularnaassavat
o qarasaasialerinermi sulisut siulersorlugillu ineriartortissavatit.
Tamatuma peqatigisaanik kommunimi ingerlatsivinnut suleqataalissaatit pingaarutilik. Uatsinnut qarasaasianut ikaarsaarneq atortorissaarutinik atuerusunnerinnaanngilaq.
Kommunip suliassaminik pingaarnernik aallussisinnaanngornissaa pingaarnerpaajuvoq.
Aqutsisumik pissarsiorpugut – qarasaasialerillaqqissuinnaanngitsumik
Serverilerisoq teknikkikkulluunniit aaqqiiniartussaq illerpiaasariaqanngilaq.
Ilillli eqqortunik aperisinnaasariaqassaatit.
Sammiviliisinnaassaatit, pingaarnersiuisinnaallutit kiisalu atortorissaarutinik toqqaanerup kinguneri paasisinnaassallugit. Atortorissaarutit, aningaasaqarneq, aqutsineq kiisalu ulluinnaani kommunip sulisuisa atugaat akunnermiliuttuuffigisinnaassavatit.
Takorloorparput suliassaqarfinni tulliuttuni qassiini misilittagaqarluartutit:
Aqutsineq. IT. Qarasaasianut ikaarsaarneq Paasissutissat isumannassusii Periusissiaqarluni ineriartortitsineq: Allannguinermi aqutsineq. Pilersuisunik aqutsineq
Ilinniakkat assigiinngitsut atorsinnaapput. Pingaarnerpaajuvoq suliassaqarfimmi suliffeqarfimmut tamarmut assut pingaarutilimmi misilittagaqarluarnissat aqutsisinnaassuseqarnissallu.
Periusissat piviusorlu tamaasa ilisimaaraatit
Ullut arlaanni ungasinnerusoq isigalugu qarasaasiatigut aaqqiissutissat pillugit aqutsisut oqaloqatigisinnaavatit.
Ullormi allami atortorissaarutit, pisisarfiit, isumannaallisaaneq imaluunniit suleriaatsit atorluarsinnaanngitsut ilaat suliarisinnaavatit.
Avatangiisit taama ittut sulilluarfigisinnaassavatit.
Ilanngullugit pingaartippagut:
o aqutsinermut misilittagaqartutit
o qarasaasianut qarasaasianullu ikaarsaarnermut paasisimannilluartutit
o paasissutissatigut qarasaasiaqarnikkullu isumannaallisaaneq teknikkikkut aaqqissugaanikkullu akisussaaffitsigut paasisinnaalluarit
o periusissianik timitaliisinnaasutit
o aaqqissukkamik sulisinnaasutit aammalu pisariaqartitsinerit amerlaqisut akornanni pingaarnersiuisinnaasutit
o suliassat pisarioqisut erseqqissumik paasiuminartumillu oqaluttuarisinnaagitit
o suliassaqarfiit suliffeqarfiillu immikkoortuisa assigiinngitsut akornanni suleqatigiinnermik pilersitsisinnaasutit
o pitsaanerusussaq pillugu aaqqiissutit atuuttut apeqqusersinnaassavatit
o pisortaasinnaavutit siunissamut isigisoq, aammali aqutsisoq najuuttoq.
Sooq Kommune Kujalleq?
Pissutsigalugu atorfinni allani naammattoorsinnaanngisat pissarsiarisinnaagakku:
Suliassaqarfimmik ilumut ilusilersuinissamut periarfissaq.
Kommune Kujalleq qarasaasiaqarnikkut paasissutissanillu isumannaallisaanikkut aqutsinerup inissilluarnissaanik kissaateqarpoq.
Taamaammat atorfik taanna pilersissimavarput.
Anguniagaq erseqqippoq Qarasaasiaqarfik tassaaq kommunimut tamarmut iluaqutaasussaq. Qarasaasianut ikarsaarneq suliassaqarfinnit tamanit isigineqassaaq. Paasissutissatigut isumannaallisaaneq sulinitsinnut ilaavissuussaaq. Taavalu atortorissaarutinut aningaasaliineq kiisalu kommunip pisariaqartitai pingaartitaalu ataqatigiissaapput.
Taamaammat suliassaqarfik pioreersoq ingerlaatiinnagassarinngilat.
Suliassaqarfimmik ineriartortitseqataassaatit.
Suliffeqarfimmi inissisimanerit
Atorfik aaqqissugaanikkut Aningaasaqarnermut pisortap ataaniippoq, taannalu toqqaannarlugu saaffigisartagarissavat.
Tamatuma peqatigisaanik aamma suliffiit suliassaqarfinnut tamanut atavoq, pisortaanerit, ingerlatsiviit pisortaat, aqutsisut, qarasaasialerisut kiisalu avataaniit pilersuisut suleqatillu qanimut suleqatigisassavatit.
Qarasaasiaqarnikkut ungasinnerusumut aalajangiinerit annertunerusut aqutsisunit aalajangiivigineqartassapput, taavalu pisariaqarfiatigut politikkikkut aalajangiivigineqartassallutik.
Atorfeqarnermi atugassarititaasut
Atorfik naatsorsuutigineqarpoq inissinneqassasoq akissaateqarfiit 38-iannut (LR 38) soraarnerussutisiassartalerlugu malittarisassat isumaqatigiissutillu naapertorlugit.
Akissarsiassat atorfimmilu atugassarititaasut atorfinitsitsinermi inaarutaasumik aalajangersarneqassapput.
Akiliussinerit allat soorlu nuunnermi atorfininnermilu malittarisassat atuuttut naapertorlugit pissapput.
Illiua sammivimmik pilersitsisussaq?
Pisortassarsiorpugut isumaqanngitsumik qarasaasianut ikaarsaarneq tassaaginnanngitsoq atortorissaarummik nutaamik pisineq.
Pisortassarsiorpugut inuit, suliffeqarfiup, atortorissaarutit isumannaallisaanerullu ataqatigiinnerinik takunnissinnaasusilimmik, taavalu ataqatigiinnermik taassuminnga ulluinnarni iluaqutinngortitsisinnaasumik.
Siumut isigisuuguit, iliuuseqarsinnaassuseqarlutit, aqutsisinnaassuseqarlutit atortorissaarutinillu paasinnissinnaassuseqartluit, taava manna Kommune Kujalliup ineriartornerani qitiusumik inissisimalernissamut periarfissaasinnaavoq.
Kommune Kujallermi qarasaasiaqarnermik ataqatigiissumik, isumannaatsumillu pilersitseqataarusuppit?
Qinnuteqarnissamut killissarititaq: 31. oktober 2026 Atorfiniffissaq: Isumaqatigiissuteqarnikkut piaarnerpaamik Suliffiup sumiissusia: Kommune Kujalleq Attavissaq: Kommunip pisortaanera – Randi Vestergaard Evaldsen – 64 80 16 rave@kujalleq.gl
Qinnuteqarnissamut killissarititaasoq: oktobarip 31.-at, 2026
