Ansøgningsfristen for dette job er udløbet. Se ledige job →

Sulisussarsiorneq – Oqalutsi naartusumut taartaasoq

Kommune Kujalleq oqalutsimik tunniusimasumik eqaatsumillu piffissami killilimmi atorfeqartussamik pissarsiorpoq

Kommune Kujallermi innuttaasut sulisullu akornanni attaveqatigiinnerup pitsaasuunissaa peqataaffigerusuppiuk? Piffissami killilimmi atorfeqartussamik oqalutsimik naartusumut taartaasussamik piaarnerpaamik imaluunniit isumaqatigiissuteqarnikkut atorfinittussamik pissarsiorpugut.

Atorfik nunatsinni sumiluunniit najugaqaraluaraanni suliffigineqarsinnaavoq.

Atorfik pillugu

Oqalutsitut ulluinnarni kommunimi attaveqarneq kalaallisut danskisullu allattarissatigut oqaluttarissatigullu nutseralutit suleqataaffigissavat. Ingerlatsiviit immikkoortortallu assigiinngitsut suleqatigissavatit, taavalu innuttaasut sulisullu kommunitsinni erseqqissumik piginnaasaqarlunilu attaveqarfigineqartarnissaannut peqataassaatit. 

Suliassat

  • Allagaatinik allakkanillu nutserineq 
  • Ataatsimiinnerni oqaloqatigiinnernilu oqaluttaaneq 
  • Oqaatsitigut pitsaassutsimik qularnaarinninneq 
  • Attaveqarnermut nutserinermullu tunngasutigut suliassat takkuttartut 

Illit makku piginnaaneqarfigissagitit naatsorsuutigaarput

  • Kalaallisut danskisullu tamakkiisumik oqalussinnaaneq allassinnaanerlu 
  • Namminersorlutit aaqqissuulluakkamik sulisinnaassasutit. 
  • Kiffartuusserusussuseqarluartoq suleqatiginnilluarsinnaasorlu 
  • Oqalutsitut nutserisutullu misilittagalik
  • Qarasaasiatigut piginnaasaqassuseq qarasaasiallu atorlugit sulisinnaassuseq 

Neqeroorutigaavut

  • Ulluinnaat pissanganarsinnaasut tamatigoortullu suliffigisassavatit. 
  • Suliffik eqaatsoq 
  • Suleqatit pitsaasut 
  • Naartusumut taartaanermi atorfik killilik 
  • Isumaqatigiissutit atuuttut naapertorlugit aningaasarsiaqarnermi atorfeqartitaanermilu atugassarititat 

Qinnuteqaat

Qinnuteqaat pisariaqartunik paasissutissartalik kingusinnerpaamik 15. juni 2026 nassiunneqassaaq. 

Atorfik pillugu apeqqutissaqaruit attaviguuk Kelly Berthelsen, oqarasuat 648031 kebe@kujalleq.gl

Qinnuteqarnissamut killissarititaasoq: juunip 15.-at, 2026