Atorfik inuttassarsiorneqartoq oktoberi aallaqqaataani 2026 aallarnerfigalugu isumaqatigiissuteqarnikkulluunniit inuttalerneqassaaq.
Unammilligassarsiorpit, misilittagassarsiorpit imaluunniit kulturikkut misigisassarsiorpit? Suliffigiumaagassanni qulaaniillusooq qimerluuilluni ajornartorsiutinik aaqqiineruinnaanngilaq – tassami kujataani illoqarfitta kusanartut akornanni kommunip meerartai ukioqanngitsuniit 18-it tikillugit ukiullit tikinniarlugit angalasarnissatit ulluinnarsiutaaleriaannaapput.
Tarnip pissusaanik ilisimasalinnik kalaallit oqaasii kulturiallu aallaavigalugit tulleriiaakkanik sulisinnaasunik pissarsiorpugut.
Meeqqanut inuusuttunullu tunngatillugu perorsaanermik tarnikkullu suliassatigut misilittagalimmik nammineerluni sulisinnaassusilimmik aamma suliassarpassuit eqqarsaatigalugit suliassanik assigiinngisitaartunik eqaatsumik suliaqarsinnaasumik pissarserusuppugut,
MISI-Kujalleq Qaqortumi angerlarsimaffeqarpoq, kujataanilu illoqarfinni pingasuni perorsaanikkut tarnikkullu siunnersuisarneq akisussaaffigalugu. Qaqortumi atuarfiit saniatigut Narsami aamma Nanortalimmi kiisalu nunaqarfinni illoqarfinnit taakkunanit akisussaaffigineqartuni atuarfiit kiffartuunneqartarput. Tamatuma saniatigut atualersussanut tunngasunut kiffartuussisoqartarpoq (meeqqat inuusuttullu ukioqanngitsuniit 18-it tikillugit ukiullit). Allaffik tallimanik sulisoqarpoq: Tarnip pisusaanik ilisimasallit aqutsisuat, tarnip pissusaanik ilisimasalik, immikkut ittumik atuartitsinermi siunnersorti, oqalunniarnermut tusaaniarnermullu siunnersorti aammalu allaffimmi fuldmægtigi.
Aaqqissugaanikkut MISI Kujalleq Ineriartortitsinermut Ingerlatsiviup ataani inissisimavoq.
Suliassat:
- MISI-Kujallermi aqutsineq suliassanillu agguaaneq.
- Missingersuutinut sulisunullu akisussaaneq.
- Ingerlatsiviup pisortaa suleqatigalugu atorfinitsitsinerit soraarsitsinerillu.
- Suleqatit allat suleqatigalugit ingerlatsinerup pilersaarusiortarnissaa.
- Suliffiup iluani avataanilu ineriartortitseqataaneq.
- Siunnersorti aamma ikiuuttutut psykologi oqallisigeqatigeereerlugit immikkut atuartitsinermi tiimit atorneqartussat aaqqissuusseriaatsillu akuerineqarnissaat.
- Suleqatit sulinngiffeqarnissaannut pikkorissarnissaannullu akuersineq.
- Nammineq sulinngiffeqarnissaq pikkorissarnissarlu ingerlatsivimmi pisortamit akuerineqassapput.
- Psykologip atorfeqartinneqartup suliassaasa assingisa suliarinissaat (ataatungaani takukkit)
- MISI-ip ataatsimiinnerinut, ullaakkut ataatsimiinnernut, suliallu pillugit ataatsimiinnernut akisussaalluni.
- Kommunimi allanilu attuumassuteqartuni akimut suleqatigiinnermi MISI Kujalliup peqataaneranut akisussaalluni, soorlu ingerlatsivimmi, atuarfimmi, peqqinnissaqarfimmi, isumaginnittoqarfimmi il.il.
- Suliatigut ineriartorneq qularnaarlugu, soorlu sulisunik ilinniartitsineq, pikkorissaaneq ilinniartitseqqinnerlu
- Tarnip pissusaanik immikkut ilisimasaqaqatigiilluni oqaloqatiinnikkut oqilisaanneq.
- Nammineq suliarisimasat pillugit oqaloqatigiinnikkut oqilisaanneqarneq.
Naatsorsuutigaarput:
- Naatsorsuutigaarput MISI-mi suliassanut tamalaaqisunut naleqquttumik suliatigut piginnaaneqarlutillu ilinniarsimassuseqartuti..
- Suliffimmi avatangiisinik peqqinnartunik ineriartorfiusunillu qularnaareqataasinnaassuseqartutit
- Suliamut aqutsinermulllu sammisut oqimaaqatigiissaarsinnaassuseqaritit.
- Inuusutit peqataasoq orninneqarsinnaasorlu
- Kalaallit oqaasii kulturiallu eqqarsaatigalugit ammallutillu naleqqussarsinnaassuseqartutit
Meeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Atugarisat iluatinnartut tunngavigalugit atorfinitsitsineq
Atuarfinni tarnip pisusaanik ilisimasallit aqutsisuunerisa isumaqatigiissutaat atuuttoq kiisalu atorfinitsitsineq pissaaq Naalakkersuisut aamma IMAK-ip akornanni isumaqatigiissut 27. august 2014-imeersoq najoqqutaralugu. Qinnuteqartunut Kalaallit Nunaanni tjenestemandioreersunut tunngatillugu atorfinitsitseriaaseq taanna ingerlateqqinneqassaaq.
Inissamik tunisisoqarsinnaavoq, qularnaveeqqusiissullu inigisamullu akiliut il.il. malittarisassat atuuttut malillugit akilerneqassallutik. Inigisassavimmilli tunineqarnissamut utaqqinissaq naatsorsuutigisariaqassaaq inissaqarniarnermi pissutsit pissutigalugit, taamaammat utaqqiisaagallartumik inissikkallarneqarnissaq naatsorsuutigisariaqarumaarpoq.
Atorfimmut atatillugu sulilernissannut angalanissaq akilerneqassaaq, pequtillu angallanneqarnissaat maleruaqqusat atuuttut naapertorlugit akilerneqassallutik.
Suliassat pillugit sukumiinerusumik paasisaqarusukkuit attavigisinnaavat ingerlatsiviup pisortaa Annga Lynge, e-mail anly@kujalleq.gl imaluunniit sulianik aqutsisuugallartoq Vivi Kleist, e-mail vkle@kujalleq.gl.
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik martsip ulluisa 26-at 2023.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”
Qinnuteqarnissamut killissarititaasoq: septembarip 1.-at, 2026
