Avannaata Kommuniani Ilulissani illoqarfiup iluani najugaqatigiffik immikkoortortaa Inneruulat isumaginninnermik ikiortirtut atorfik inuttassarsiuunneqarpoq ulloq 1. Juni 2026 imaluunniit isumaqatigiissuteqarnikkut atorfinittussanik.
Najugaqatigiiffimmi atorfik najugaqatigiiffinni immikkoortortani pingasuusuni Inneruulat inissisimavoq Najugaqatigiiffimmi aqutsisoq qaninnertut qullersarissavat. Atorfik ulloq unnuarlu sapaatini nalliuttunilu suliffiuvoq.
Sapaatip akunneranut 40 Time suliffiuvoq, qaangiuttoortoqarsinaalluni piffissap ingerlanerani.
najungaqatingiiffik skizofreni kiisalu eqqarsartaatsimikkut kinguarsimasunik najungaqarfingineqarpoq.
Suliassaqarfiit akisussaaffiillu:
•Najugaqatigiiffimmi sullissinerup pitsanngorsarneqarneranut peqataaneq, kiisalu najugaqartut inersimasut tarnimikkut assiginngitsunik unammilligassaqartut ikorfartorneranut peqataaneq
• Najugaqartut atugaannik pitsanngorsaaneq innuttullu inissisimanerannik nukittorsaaneq
• Najugaqartut sammisassaqartinneqarnerannut peqataaneq ineriartortitseqataanerlu
•Najugaqartut ingerlalluarnissaat siunertaralugu ikorfartornerat, uani inuttut ulluinnarnilu naapittagaannik unammillernartunik ikorfartuineq, kiisalu aaqqiagiinngissutaasinnaasunik pinaveersaartitsineq imaluunniit aaqqiagiinngissutaasunut akulerunnerit
• Najugaqartut peqqinnartunik nerisaqarnerannut peqqissaarnissaannullu kaammattueqataaneq
•Najugaqartut pisinnaasaannut pitsanngorsaaqataaneq, kiisalu tapersersorneqarneranni angusanut nalunaarsuineq
Piginnaasat kissaatigineqartut:
Qinnuteqartup inunnik tarnimikkut nappaatilinnik sullissinermik misilittagaqarnissaa kissaatigineqarpoq.
• Isumaginninnermi ikiortitut ilinniagalik, tarnikkut napparsimasunut sullissinissamik pikkorissarsimanermik ilalik.
• Namminersorluni sulisinnaassuseqassasoq
• Avammut ammasuussasoq
• Piffissamik ataqqinnittoq
• Suleqatiginnissinnaassuseqassasoq
• Naammagittassuseqarluni aamma akuersaarsinnaassasoq
• Eqqarsartaatsikkut patajaatsuussasoq
• Tatiginartuussaaq, tunniusimasoq kiisalu akisussaaffimmik ilisimaarinnittoq
• Maligassiuisoq
• Nutaaliorsinnaasoq
• Atuisunut aamma attaveqaatinut attaveqallaqqissuussaaq
• Aaqqiagiinngissutinut isornartorsiuinernullu atatillugu aaqqiiniallaqqissuussaaq
•Eqaatsumik suleriusilik kiisalu naleqqussarnissamut piareersimassusilik
Taakku saniatigut atorfik pillugu akisussaaffiit innersuussutigineqarput taakku Ilulissani najugaqatigiiffimmi aqutsisumut saaffiginnilluni pissarsiarineqarsinnaapput.
Akissaatit atorfeqartitaanermilu atugassarititaasut:
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Nammaginartumik pinerlussimannginnermut uppernarsaat aamma meeqqanik pinerliisimannginnermik uppernarsaat atorfininnissamut piumasaqaataapput. Taakku atorfinittussap atsiorluni akuerinerata kingorna atorfinitsitsisussamit Naalagaaffiup politiivinut (Rigspolitiet) piniarneqassapput.
Atorfik pillugu paasissutissat allat najugaqatigiiffimmi aqutsisumut, Paneeraq Ramsøe -mut, oqarasuaat 38 55 55 imaluunniit e-mail panj@avannaata.gl atorlugu saaffiginninnikkut piniarneqarsinnaapput.
Qinnuteqaat ilinniarsimanermik suliffigisimasallu pillugit paasissutissanik imalik, kiisalu ilinniarsimanermut uppernarsaatinik il.il. ilanngullugit imalik kingusinnerpaamik 29. Maj 2026 nassiunneqareersimassaaq Avannaata Kommuniata nittartangaa iserfingalungu allangarsiussami ” Atorfii una qinnuteqarfingiuk ” toorneratigut.
Qinnuteqarnissamut killissarititaasoq: maajip 29.-at, 2026
