Dronning Ingridip Napparsimmavissuani allaffissornermi fuldmægtigimik qaffasissumik ilinniagalimmik imal. allaffissornermi bachelorimik pilattaanermi peruluttunillu nakkutilliinermi qitiusumik immikkoortumi aqutsisunik ikorfartuinermik, pisariillisaanermik inerisaanermillu ukkassisussamik pissarsiorpugut.
Nuummi Dronning Ingridip Napparsimmavissuani pilattaanermi peruluttunillu nakkutilliinermi qitiusumik immikkoortoq fuldmægtigimik allaffissornermi qaffasissumik ilinniagalimmik imal. allaffissornermi bachelorimik, misissueqqissaarsinnaassusilimmik, namminersorsinnaasumik iliuuseqarsinnaassusilimmillu, akisussaaffeqarnermik iluarinnittumik avatangiisini pimoorussiviusuni ilinniakkatigullu akimuisuni naammassisaqarnissamik soqutiginnilluinnartumik pissarsiorpoq. Pilattaanermi peruluttunillu nakkutilliinermi qitiusumik immikkoortumi fuldmægtigitut, allaffissornermi qaffasissumik ilinniagalittut imal. allaffissornermi bacheloritut, aqutseqatigiinni pingaarutilimmik inissisimassaatit, sunniuteqarnissamut, suleqatinut napparsimasunullu nalilimmik pilersitsinissamut asseqanngitsumik periarfissinneqassaatit. Aqutseqatigiinnut, peqqissaasuunertut nakorsaanertullu qullersat pingaarnertut peqatigalugit tulliullugillu aqutseqartigiinnut pikkorissunut; tassaasunut allaffissornermi allatsi peqqissaasuunerillu immikkoortortatsinnit sisamaneersut: Pilattaavimmeersut, sinitsitsisarfimmeersut, peruluttunik nakkutilliivimmeersut immikkullu nakkutigisarialinnut immikkoortortameersut (IMA) suleqatigilissavatit.
Aqutsisoqatigiit, ulluinnarni ingerlatsinermi ataqatigiissaarinermik, pitsaassutsimik, nakkutilliinermik pitsanngorsaanermillu suliaqarput. Taamaammat periusissiornermut pikkoriffilimmik, attaveqatigiinnermut nukittuffilimmik, ilinniakkat akimorlugit suleqatigiissitsinermut tamatuminngalu attassinermut piginnaanilimmik pissarsiorpugut.
Suleqatinik assigiinngitsorpassuarnik suleqateqarnermik iluarinninnissat pingaaruteqarpoq. Suliassanik ataatsimut isiginnilersinnaanissannut susassaqarfigut tamakkerlugit sukumiisumik ilisimasaqarfigilissavatit. Piumassuseqarneq, kiffartuussiumatussuseq suliassanik pilersaarusiornermut ingerlatsinermullu akisussaaneq pingaartitaraagut, tamatumalu peqatigisaanik ataatsimut paasinnissinnaassuseqarnissaq, sulisunik peqataatitsinissaq aaqqissuussaanikkullu toqqammavigisatsinnik ataqqinninnissaq naatsorsuutigaarput.
NEQEROORUTIGAAGUT
- Akisussaaffik annertooq taamaaqataanillu pitsaasumik sunniuteqarnissamut periarfissaqarneq.
- Atorfik pissanganartoq ilinniagaqassutsikkut inerisarnissamut periarfissagissaartoq – pissanganartunik suliaqarnikkut qitiusumillu immikkoortumi qullersat qanimut suleqatigalugit nutaanik ilikkagaqarnissamut piginnaasavillu annertusarnissaannut periarfissaqartuassaatit.
- Immikkoortoq ilinniagaqassutsikkut qaffasissumi inissisimasoq, piginnaasatigut nukittuffilik siunnerfeqarlunilu suleqatigiilluarfik.
- Suliffik ineriartortoq suliassanik ilisimaarinnilluarnermik ikinngutinnermik ataqqinninnermik tatiginninnermillu sunnerneqarsimasoq.
- Aqutsisoqatigiit sullivimmi pitsaasunik avatangiiseqarnissamik nalerisimaarnissamillu pingaartitsisut.
- Sulisutut najukkamilu inuiaqatigiinni pilertortumik angerlarsimasutut misigilernissannik qulakkeerisussamik, sukumiisumik pitsaasumillu tikilluaqquneqarneq paasissutissinneqarnerlu.
- Suliassavit kinguneqarluartussamik naammassisinnaanissaat qulakkeerniarlugu qarasaasiarsornermi atortut pisariaqartitat, ilaatigut suliffimmi qarasaasiaq oqarasuaallu atukkiunneqassapput.
- Ullup suliffiup oqimaaqatigiissumik ingerlanissaa pingaartitaraarput, pisariaqartitannut suliallu ingerlannissaannut ikorfartuutaappat eqaatsumik periuseqarnissamik neqeroorsinnaanissaq anguniagaralugu
SULIASSATIT AKISUSSAAFFITILLU
- Aqutsisunik ikorfartuineq
- Suliniutinik assigiinngitsunik aqutsineq piviusunngortitallu pitsaassusaannik qulakkeerineq.
- Paasilertoruminarsitsillunilu ataatsimut isiginnilersitsineq
- Attaveqatigiinnermut tunngatillugu suliassat, soorlu paasissutissat nutaarsiassiissutillu
- Ukioq kaajallallugu pisartussanik suliaqarneq/nutarterineq.
- Naatsorsueqqissaarnermi paasissutissanik nutarterineq nutaanillu inerisaaneq
- Ataatsimiinnerni imaqarniliortuuneq, ataatsimiinnissanik isumaginninneq piareersaanerlu, oqarasuaatikkut attaveqartunik isumaginninneq, qitiusumik immikkoortumi qullersat peqannginnerini mailinik misissuineq
- Innersuussineq, tikilluaqqusineq nakorsaanernik qitiusumillu immikkoortumi immikkoortortani sisamaasuni atorfinittunik paasissutissiinissanik pilersaarusiorneq
- Atorfinnut inuttassarsiuussassanut allagarsiussassanik suliaqarneq, ullunut sammisaqartitsivinnut aggersaaneq, ilinniartitsineq, nalliuttorsiornerit, il.il.
- Ilinniakkat aaqqisuussaanerlu akimorlugit ilutsinni avataaneersunillu suleqatigisanik suleqateqarnermik nukittorsaaneq
- Suliassat takkussuuttut assigiinngitsut
PISSARSIARINIAGARPUT
- Aaqqissuussamik periuseqarpoq ataatsimullu isiginnissinnaassuseqarluarluni
- Misissueqqissaarnermik nalileeriaatsimillu ilisimasaqarpoq
- Suliaqarnermini allannguinissamut piareersimavoq
- Namminersorluni sulisinnaavoq, allakkatigut oqaatsitigullut ingerlatitseqqiineq pikkoriffigalugu
- Akisussaassuseqarpoq, suleqatiginnillaqqissuuvoq akulerutsitsisumillu suleriaaseqarluni
- Inussiarnersuuvoq siunnerfimmillu aalajangiusimannissinnaalluni. Aqutsisut isumannaatsunik sullivimmi avatangiiseqarnissamik, ilinniakkat akimorlugit suleqatigiinnissamik akuersaartuunissamillu nukittorsaanissamik attassinissamillu pingaartitsisuupput
- Nalerisimaarnissamik inerisaanissamillu suliaqarnissamik iluarinnippoq
- Ataatsimut isiginnissinnaavoq, ataatsimut isiginnilluni periarfissanillu eqqarsarsinnaavoq, kinguneqarluartussamillu isummersuillaqqissuulluni.
- Nutaaliorsinnaavoq, suliniutinik aallartitsisinnaavoq namminersorlunilu sulisinnaalluni
- Kiffartuussiumatuujuvoq aaqqissuusillaqqissuullunilu
- Attaveqatigiillaqqissuuvoq – allakkatiguttaaq
- Pisussaaffimminik ilumoorussisuuvoq, ilumoortuuvoq suliffeqarfimmi anginerusumi nipangiussisussaatitaanermik ataatsimoornermilu malittarisassanik iliuuseqarfiginnissinnaalluni.
- Nunatsinni pissutsit ilisimasaqarfiginerat, kulturit akimorlugit suleqatigiinnerup alapernaaffiginera kulturillu arlallit akimorlugit avatangiiseqarnerup iluarinerat iluaqutaassaaq.
- Qarasaasiarsullaqqissuullunilu tamatuminnga- SharePoint (pingaartumik Office 365) ilanngullugu- soqutiginnittuuvoq.
Piginnaasat taakku piginngikkukkit soqutaanngilaq!
Peqqinnissaq imal. inuiaqatigiit pillugit ilisimatusarnerup iluani naapertuuttumik qaffasissumik, kandidatitut imal. masteritut ilinniagaqartutit takorloorparput. Pisortat suliffeqarfianni politikkikkut aqunneqartumi qaffasissumik akunnattumik sivisussusilimmik ilinniagaqaruit (bacheloriuguit) – allamilluunniit naapertuuttumik tunuliaqutaqaruit – kajummissuseqarlutillu, tusarfiginissat soqutigaarput.
Piginnaasatit kisimik pinnatik aamali inuttut qanoq ittuunerit ilikkarusussuseqarnerillu uatsinni pingaarnersaapput. Inummik akisussaaffimmik tigusinissamik iluarinnittumik, imminut inerisarusuttumik, suliffeqarfillu akimorlugu piginnaasaminik atuerusuttumik pissarsiorpugut.
Uatsinni tunuliaqutaasut assigiinngitsut misilittakkallu pingaartitaraagut. Suliassavit nukittuffinnutnaapertuussarnissaannut periarfissaqarnera takusinnaavarput, ineriartorsinnaanissannut piginnaasavit pisariallit inerisarnissaannut tunniusimalluta ikiorusuppatsigit. Ilimanaateqaruit ilinniartitaanikkut sulinikkullu alloriaqqinnissat kajungerigukku, tamakkiisumik tapersersornissannut piareersimavugut.
UAGUT
Nuummi Dronning Ingridip Napparsimmavissuani pilattaanermi peruluttunillu nakkutilliinermi qitiusumik immikkoortoq nunarput tamakkerlugu peruluttunik peqqissaanermi nakorsaanermilu qitiuvoq. Pilattaanermiit pinasuartumik angallassinerit tamaasa isumagaagut ilinniagaqassutsikkullu qaffasissumik pitsaassusilimmik tunniussisinnaaneq tulluusimaarutigalugu.
Qitiusumik immikkoortoq makkunannga immikkoortortaqarpoq:
- IMA – Immikkut nakkutigisarialinnut immikkoortortaq
- ITA – Peruluttunik nakkutilliivik inoorlaanut immikkoortortalik
- Sinitsitsisarfik suliariterlaanik nakkutilliivilik
- Pilatsittunut ullivik, pilattaavik tunillannartuiaavillu
Nakorsaanerit sinitsitsisartut sisamat suliaminnut tunniusimalluartut, peqqissaasut 65-it missaat sundhedsassistentillu tallimat, ullut tamaasa nunarput tamakkerlugu napparsimasut pitsaanerpaamik nakorsarneqarnissaat qulakkeeriniarlugu sulipput. Sinerissamut angalasarnikkut, pilattaavimmi peqqissaasut, peqqissaasut sinitsitsisartut nakorsallu najukkani pilattaasarnerisigut, Peqqinnissaqarfimmi suleqataavuguttaaq.
Sinitsitsisarfik, nunatsinni sumiiffinnit tamanit Dronning Ingridip Napparsimmavissuanut, tassanngaanniillu Danmarkimi Islandimilu napparsimmavinnut napparsimasunik pinasuartumik angallassisarnerni aaqqissuussisarnikkut ingerlatsisarnikkullu, pingaaruteqarpoq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1/12-2026 immikkulluunniit isumaqatigiissuteqarnikkut
Qinnuteqarfissaq kingulleq: 1/11-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Nakorsaanertut qullersaq Kasper Pedersen oqarasuaatikkut:: (+299) 48 35 66 (danskit nalunaaqutaat naapertorlugu 12.00-ip kingorna), imal. mailikkut: KPDS@PEQQIK.GL /imal. peqqissaasuunertut qullersaq Arnaq Fleischer Hansen oqarasuaatikkut: +299 34 44 07 (danskit nalunaaqutaat naapertorlugu 12.00-ip kingorna) imal. mailikkut: AFHA@PEQQIK.GL attavigalugit pissarsiarineqarsinnaapput
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
