Inersimasunik immikkut pisariaqartitsisunut toqqisisimanartumik sinnaakusersueqataanissannut peqataarusuppiit? 

Najungaqatigiiffik Qinngorneq Aasiaat, aqutsisutut piumassulimmik piginnaanilimmillu pisortassarsiorpoq. Aqutsinermut, ineriartortitsinermut aammalu suliamut tunngasunik immikkut ittumik inuiaqatigiinnut sullissinermut soqutigisalimmik. 

Pisortatut akisussaaffigilissavat najugaqarfiup ulluinarni aqunneqarnera, najungaqartut assigiingisitaartumik pisariaqartitsisut naapertorlugit. Taamaattumik pingaaruteqarpoq ineqartut ataqqinninnermik, isumassuinermik piginnanermillu qanimut sullinneqarnissat – kiisalu sulisut suliffimminni ineriartornissat toqqissisimarlutillu sulinissaat. 

Qinngorneq pillugu: 

Qinngorneq tassaavoq inersimasunut innarlutilinnut imaluunniit immikkut tapersersortariaqartunut ulloq unnuarlu paaqqinniffik. Qinngorneq ima imikkoortortaqarfeqarpoq: 

·Immikkortortaqarfik qitiusoq inissaqarpoq 18-nik. 

·Aappa inissat 10-it, imminut ikiorsinnaanerusunik najungaqartoqartoq. 

·Qimmeqarfimmi satelit-afdelingeqarpoq inunnut pingasunut inissalimmik. 

·Sanaluttarfillu 

Suliassatit tassaassapput: 

·Pingaarnertut akisussaaffiit aqutsineq, sulisunut kiisalu suliamut tunngasunik iluani ineriartortitsinermut akisussaaneq

·Sulineq inatsisit, malittarisassat kiisalu komuunip ileqquata tunngavigalugit ingerlanneqarnissanik qulakkeerinninneq.

·Aningaasaqarnikkut aqutsineq aammalu nalunaarsuisarneq. 

·Akimortumik suleqateqarneq soorlu pisortanik sullissisuni, qanigisaasut aammalu avataaniik suleqatinut. 

·Suliffimmi pitsaasumik avatangiiseqarnermik kiisalu sullissinermi pitsaassutsimik qulakkeerinninneq

Naatsorsuutigaarput: 

·Isumaqatigiissutigineqarsinnaasumik ilinniagaqarsimanissat – soorlu isumaginninnermut, perorsaanermut immaqaluunnit peqqissutsimut tungasumik ilinniangaqarsimanissat immikkullu ilinniarsimanissat isumaliortaatsikkut innarluuteqalersimasunut misilittagaqarluartuunissat. 

·Inersimasunut isumaliortaatikkut unamminartorsiortunut aammalu innarluutilinnut sullissinikkut misilittangaqarnissat. 

·Inatsisinut Kalaalit Nunaanut atuuttut pillugit ilisimasaqarnissat – imaluunniit kajumissuseqarnissat ilisimalernissaanut. 

·Ilusilersorluakkamik kajumissuseqartumik sulisinnaanissaq ingerlatsinermi ammalu ineriartornermi. 

·Attaveqarluarnermik piginnaasaqartutit aammalu suleqateqarsinnaasutit siammasissumik 

Neqeroorutigaagut: 

·Suliffik naleqartoq aammalu aqutsinermi unammillernarsinnasoq

·Najugaqarfimmi ineriartortitsinermut sunniuteqaqataasinnaaneq

·Inuttut aammalu suliamut tunngatillugut ineriartorneq

·Aningaasarsiat atorfeqarnermullu tunngatillugu atugassarititaasut isumaqatigiissutit atuuttut naapertorlugit. 

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu. 

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Pinerlussimannginnermut uppernarsaat:
Atorfik pineqartoq inatsimmik naapertorlugit pinerlussimannginnermut uppernarsaatissamik pissarsiniarnissamut inatsit naapertorlugu immikkut maleruagassaqartuuvoq. Taamaattumik atorfininnermi aatsaat pisinnaavoq, politiinit uppernarsaat naammaginarpoq Kommune Qeqertalimut nassiunneqareerpallu.

Apeqqutissaqarpiit? 

Paasissutissat atorfik pillugu amerlanerusut uunga saaffiginninnikkut pissarsiarineqarsinnaapput, Inuit immikkortortaani aqutsisoq Rebekke Jensen 

📞 70 19 00
📧 rj@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaativit tigunissaanut qilanaarpugut. 

Qinnuteqarnissamut killissarititaasoq: aggustip 3.-at, 2026