Rosa Olsen tallimanngornermi oktobarip 30-anni pisortani sulinermini ukiunik 40-nngortorsiormat ilaqutai suleqataalu Aasianni Majoriaq-mi katersuupput.
Rosa Olsen pisortani ukiuni 40-ni sulisimanini pillugu tallimanngornermi oktobarip 30-anni 2026-mi Aasianni Majoriaq-mi nalliuttorsiutigineqarpoq.
Anguteeraq Sivertsen tikilluaqqusinermik oqalugiaateqarluni aaqqissuussineq ammarpaa. Tamatuma kingorna kommunalbestyrelsimut ilaasortaq Inger Jeremiassen borgmesteri sinnerlugu oqalugiarpoq.
Oqalugiarnermini Rosa Olsenip inunnik tatiginnilersitsisinnaanera allanillu qanilaartumik naapitsisinnaanera erseqqissarpai.
– Inunnik tatiginnilersitsisinnaaneq, tusarnaarsinnaaneq allanillu qanilaartumik naapitsisinnaaneq pissusaapput nalissaqanngitsut, taakkorpiaallu illit pigivattaatit. Inuppalaartuuvutit, inussiarnersuullutit, ilassiortaarlutit minnerunngitsumillu inoroorsaartuullutit, Inger Jeremiassen oqarpoq.
Nalliuttorsiorneq nuannersumik eqqissisimasumillu ingerlanneqarpoq. Rosa Olsen ilaquttaminit avatangerneqarpoq, ilaatigut aappaminit, angajoqqaaminit, qitornaminit ernuttaminillu. Taakku najuunnerat ulloq immikkut eqqaamaneqarluartunngortitseqataallunilu nalliuttorsiutigerpalaartunngortitseqataavoq.
