Peqquserluttut Nukissiorfinneersuunerarlutik atuisartunut sianertarput, pilersorneqarnerallu matuneqassanngippat kontomut ilisimaneqanngitsumut akiliinissaat piumasaralugu. Sianernerit Nukissiorfinneersuunngillat.
Atuisartut Nukissiorfinneersuunerartunik sianerfigineqareersullu, Nukissiorfiit oktobarip aqqaneq-aappaanni nalunaaruteqarlutik oqarasuaatikkut saaffiginninnernut peqquserluutaasunut mianersoqqusipput.
Sianerfigineqartut akiligassaminnik kontomut ilisimaneqanngitsumut akiliinissaat piumasarineqartarpoq. Akiliinngippata pilersorneqarnerat matuneqassasoq oqaatigineqartarpoq.
Nukissiorfiit erseqqissaapput atuisartut kontomut akiliisinniarlugit sianerfigineqanngisaannartut.
Nukissiorfiit naapertorlugit akiligassat eqqaasitsissutillu taamaallaat e-mailikkut, SMS-ikkut Nukissiorfiit nassiussisutut allassimatillugit imaluunniit suliffeqarfiup pisortatigoortumik e-Boksia aqqutigalugu nassiunneqartarput.
Saaffiginnissut pillugu nalornissuteqartut Nukissiorfiit sullitanut sullissivianut sianersinnaapput 80 11 50-imut imaluunniit kundeservice@nukissiorfiit.gl-imut allassinnaallutik.
Paasissutissarsiffik: Nukissiorfiit
