Kaja Olsen Kommune Qeqertalimmi meeqqanut ilinniartitaanermullu fagchefitut 2026-mi oktobarip aallaqqaataani atorfinittussatut toqqarneqarpoq. Taanna ilinniartitsisutut ukiuni 17-ini misilittagaqarpoq.
Kaja Olsen kommunip Timi Tarni Ingerlatsiviani meeqqanut ilinniartitaanermullu tunngasunik ataatsimut aqutsineq ineriartortitsinerlu akisussaaffigissavai. Kommune Qeqertalik taama ilisimatitsivoq.
Akisussaaffiinut ilaapput meeqqeriviit, atuarfiit, ilinniagaqarnissamut ilitsersuineq, sunngiffimmi neqeroorutit sammisassaqartitsinerillu kiisalu MISI-p siunnersuisarnera.
Kaja Olsen ilinniartitsisutut professionsbacheloritut ilinniagaqarpoq, ilinniarnermilu siunnersortitut ilinniaqqissimalluni. Aamma ilaqutariinnik siunnersuisoqatigiisitsisarneq pillugu ilaqutariinnullu klassimi ilinniartitsisutut pikkorissarnernik naammassinnissimavoq.
Kommunip nalunaarummini Kaja Olsen tikilluaqquaa suleqatigilerumaarnissaalu qilanaaralugu.
