Kommune Kujallermi kommunalbestyrelsip Nanortalimmi nukissiorfiit pilersuisut marluk sumiiffissai nutaat toqqarsimavai. Innaallagissamik nukissiorfik sissamiit nuutsinneqassaaq, pineqartumi ulittarnera qaffakkiartormat.
“Kalaallit Nunaanni immep killinga ukiuni kingullerni qaffakkiartorpoq, tamannalu peqqutaalluni innaallagissamik nukissiorfiup sissamut ungasinnerusumut nuunneqarnissaanut kissaateqartoqarsimalluni”, kommunip ingerlatsivia suliami saqqummiinermi allassimavoq.
Pingasunngormat kommunalbestyrelsip innaallagissamik nukissiorfiup inuussutissarsiorfiusumut nuunneqarnissaa akuerivaa. Illunik titartaasartutut suliffeqarfiup iluarsartuullugu pilersaarusiaq titartareersimavaa.
Nukissiorfiup aappaa Isua Aqqutaata avannaa-tungaanissaaq, sumiiffimmilu illut atorunnaareersimasut ullumi takusassaallutik. Piffik najugaqarfissatut immikkoortinneqarnikuuvoq, taamaattumik sanaartortoqalinnginnerani kommunimi pilersaaarut allanngortinneqassaaq.Kommunip aaliangiinera nukissiorfiit sumiinnissaannut tunngassuteqarpoq. Pineqartunut marluusunut sumiiffimmi pilersaarummik sanasoqaqqaarluni sanaartortoqarsinnaavoq, innaallagissamillu nukissiorfik pillugu suliniut tamanut ammasumik sapaatip akunnerni arfineq-pingasuni tusarniaassutigineqaqqaassalluni
