Suleqatigiit Naleraq, Demokraatit, Atassut, Attaviitsorlu suleqatigiinnissamik isumaqatigiissuteqarnertik tunngavigalugu politikkikkut ataatsimiitsimiititaliat aaqqissuussaanerat allanngortissallugu isumaqatigiissuteqarput. Taamaasillutik ataatsimiititaliat ataavartut tallimaasut, Inuussutissarsiornermut Aatsitassanullu ataatsimiititaliamik ilanerisigut arfinilinngortinneqarput. Taamaasilluni inuussutissarsiornermut takornariaqarnermullu tunngassuteqartut Aningaasaqarnermut ataatsimiititaliamiit akisussaaffigineqarsimagaluartut, Inuussutissarsiornermut Aatsitassanullu Ataatsimiititaliamut nuutsinneqarput.
Inuussutissarsiornermut Aatsitassanullu Ataatsimiititaliami ukua ilaasortanngorput,
Siulittaasoq Karl Lyberth, Naleraq
Gideon Lyberth, attaviitsoq
Bitten Heilmann, Atassut
Evelyn Mølgaard, Siumut
Sika Zeeb Olsen. Siumut
Ataatsimiititaliani allani ukua silittaasunngorput;
Atugarissaarnermut ataatsimiititaliami Erne Olsen, Demokraatit
Ilinniartitaanermut ataatsimiititaliami Steffen Johansen, Naleraq
Teknikeqarnermut ataatsimiititaliami Rachel Ingemann, Demokraatit
Aalisanermut Piniarnermullu ataatsimiititaliami Nathan Møller, Naleraq
