Kangerlussuarmi qinersisartut pingasunngornermi decembarip 9-anni qinersissapput. Qinigassanngortinnissamut nalunaaruteqarnissamut killiliussaq tassaavoq pingasunngorneq novembarip 25-at nal. 12.00.
Kangerlussuarmi nunaqarfimmi aqutsisunut pingasunngornermi decembarip 9-anni 2026 ilassutaasumik qinersisoqassaaq. Tamanna Qeqqata Kommuniata qinersinissamut nalunaarutaani allassimavoq.
Qinigassanngortittut nalunaaruteqarnermut immersugassaq immersoriarlugu Kangerlussuarmi Innuttaasunik Kiffartuussivimmi qinersinermik aqutsisumut tunniutissavaat imaluunniit qeqqata@qeqqata.gl-imut nassiutissavaat. Tamanna kingusinnerpaamik pingasunngornermi novembarip 25-anni nal. 12.00 pissaaq. Partiit sinnerlugit qinigassanngortittunut partiinullu attuumassuteqarnatik qinigassanngortittunut immikkut immersugassaqarpoq.
Kangerlussuarmi qinersisartut allassimaffiat novembarip 18-iani 19-ianilu Kangerlussuarmi Innuttaasunik Kiffartuussivimmi kikkunnilluunniit takuneqarsinnaavoq.
