Kommune Kujalleq Veterancentret (Illersornisaqarfiup aallartitaasimasunut Sulliviat) aallartitaasimasunik nersuineq tapersersuinerlu pillugit suleqatigiinnissamut isumaqatigiissuteqarlutik atsioqatigiipput.
Borgemsteri Malene Vahl Rasmussen aamma Illersornisaqarfiup aallartitaasimasunut Sulliviani pisortaq Kim Simonsen isumaqatigiissummut atsiortuupput.
-Naalagaaffik sinnerlugu aallartitaasimasut immikuullarissumik nalaagaffimmut sullissinikuupput, taamaattumillu nersorneqarnissaat ilaqutaasullu peqatigalugit pitsaasumik ikiorneqarsinnaanissaat pingaartillugu isumaqatigiissuteqarnitsigut suleqatigiinneq nukittorsarparput, Kommune Kujallermi borgmesteri Malene vahl Rasmussen oqarpoq.
Isumaqatigiissummik atsioqatigiinneq tallimanngornermi septembarip sisamaanni, Qaqortumi qinikkat ataatsimiittarfianni ingerlanneqarpoq.
