Peqqissaanermik Ilinniarfimmi (PI) teknologiimut ilinniarfik nutaaq pisortatigoortumik atoqqaarfissiorneqarpoq. Ammaanermi Ilinniartitaanermut Naalakkersuisoq Nivi Olsen oqalugiarpoq, Ilinniartitaanermut Naalakkersuisoqarfimmit aallartitanik, iliniarfiup suleqataanik, sulisunik ilinniartunillu ilaqarluni ulloq malunnartinniarlugu.
Ilinniarfimmi nutaami peqqissaanermut ilinniartitaanerni ilinniarneq, piviusut tunngavigalugit ilinniarnerit teknologiimillu nutaamik atuineq aqqutigalugu nukittortinneqassaaq. Ilinniartut ilaatigut isaruaasanik VR-inik, qarasaasiatigut suliassanut sungiusarnissamut periarfissiisunik, kiisalu 3D-printerinik, ilinniartitaanermi suleriaatsinik pilersitsiffiusunik nutaaliorfiusunillu atuinissamut tapertaasussanik atugassaqassapput.
Sulisut ilinniartullu ullormut piareersangaatsiarsimapput, minnerunngitsumik ilinniarfiup Skills Stations-iini, ammaanersiornermi qitiutinneqartunut ilaasuni. Tassani pulaartut teknologiip siunissami ilinniartitaanermut ilaatinneqarnerata ingerlasarnissaa namminneerlutik takuaat.
Ilinniarfimmit oqaatigineqartut malillugit ilinniartut sulissullu tunniusimanerat nassaarsiullaqqinnerallu ullup immikkuullarinneranik misigititsivoq, ammaanersiornerullu nalliuttorsiorpalaartumik iluatsilluartumillu ingerlanissaanik qulakkeeriffiulluni.
Alloriarneq tulleq: ilinniartitaanermi atuutsitsilernissaq
Pisortatigoortumik ammaanersiornerup qaangiunnerani teknologiimut ilinniarfik ulluinnarni tamakkiisumik atorneqalernissaa anguniarlugu suliassat aallartittussanngorput. Ilinniarfiup Peqqissaanermik Ilinniarfimmi ilinniartut ilinniartitaanerini ilinniartitsinermik piviusuusaartitsisarnermillu, kiisalu teknologi nutaaliaq atorlugu suleriaatsinik atuineq aqqutigalugu nukittunerulersitsinissaq siunertarineqarpoq.Ilinniarfimmiit ilisimatitsissutigineqarpoq, suliap ingerlaqqinnissaa qilanaarineqartoq,aammalu angusat maanna piareertut tulluusimaarutigineqartut
