Kommuneqarfik Sermersuumi Utoqqaat innuttaasut Utoqqaat illuini assigiinngitsuni najugaqartut silaannarissumi sikkilinik angallanneqartalernissartik qilanaarisinnaalissavaat, tassani kommuni peqatigiiffik Cykel’liussisartut ukiunik pingasunik sivisussusilimmik suliniut ‘Cykling uden alder’ (ukioqanngitsumik sikkilerneq) aqqutigalugu suleqateqarnissamik isumaqatigiissuteqassappat. Tamanna Aningaasaqarnermut Inuussutissarsiornermullu Ataatsimiititap ulloq 20. aggusti 2026-mi oqaluuserisassatut allattorsimaffiani takuneqarsinnaavoq, suliaq akuerineqarnissaminut innersuunneqarsimasoq.
Innuttaasut utoqqaat inuunerat sikkilinik angalaarunneqarnikkut, inooqataanermi sammisassaqartinneqarnikkut kiffaanngissuseqarnerulernikkullu imaqarnerulersinneqarnissaat suleqatigiinnermut siunertaavoq. Suliniutaasoq pingaartumik utoqqarnut utoqqaat illuini najugaqartunut innuttaasunullu inuit akornaniikkunnarnikunut saaffiginnippoq.
Suleqatigiinnissamik isumaqatigiissut 2026-mi aggustip aallaqqaataaniit 2029-mi juulip 31-annut ingerlassaaq. Piffissap taassuma iluani ilaatigut Nuummi qitiusoqarfiliussaaq. Kommunimi utoqqartatsinnik ataatsimoorussamik inerisaasoqarlunilu suliaqartoqassaaq.
Kommuni tamakkerlugu Rickshaw sikkilit sisamat
Suleqatigiinnermut ilaatillugu peqatigiiffik rickshawcykilinik marlunnik atugassaqartitsisuussaaq, suliniummik aqutsissalluni aamma nammineq kajumissutsiminnik suliaqartussanik peqataatitsiniarluni. Kommuneqarfik Sermersooq attaveqaataasussanik ikiuutissaaq, ataqatigiissaarinermi suliaqarnermilu sulisunik peqataatitsissalluni, kiisalu rickshawcykilit allat marluk, taamaalilluni kommunimi utoqqaat illuisa aamma ulluunerani ornittakkat akornanni atorneqarsinnaaniassammata.
Ingerlatsivimmiit nalilerneqarpoq, suleqatigiinneq utoqqaat akornanni kiserliornermik pinaveersaartitseqataassasoq, inuiaqatigiinnik suleqateqarnermik annertusaassaaq aamma kommunimi utoqqartatsinnut isumaqarluartunik arlalinnik sammisassaqartitsinissamik pilersitsissaaq.
43.000 koruunit tapiissutigineqartutKommuneqarfik Sermersooq 2026-mi 43.000 koruuninik peqatigiiffimmut Cykel’liussisartut-inut tapiissuteqassaaq, tassa suleqatigiinnermut atatillugu kommunip tunniussarissallugit. Tapiissutit isumaginnermut aningaasaliissutinit matussuserneqassapput, soorlu peqatigiiffimmut siusinnerusukkut aningaasaliisoqarnikuuneratut. Ingerlatsivimmit nalilerneqarpoq, suliassat taakku aaqqissuussaanerup iluaneereersunit isumagineqarsinnaajumaartut
