Nunaqarfimmi aqutsisut Narsami isumasioqatigiinnerat iluatsilluartoq, pissarsiaqarfiulluartorlu borgmesterimit iluarisimaarneqarpoq.
Sisamanngornermi augustip arfernanni Nunaqarfimmi aqutsisut Narsami isumasioqatigiinnerat ilaasortat akornanni ilisimasanik misilittakkanillu avitseqatigiiffiulluarluni pissarsiaqarfiulluarpoq, ilisimasassanillu immersorneqarfiulluarluni.
-Nunaqarfinni aqutsisut isumasioqatigiinneranni sulinerminni ilisimasassaannik immersuiffiulluarpoq. Iluarisimaarpara pissutsit piviusut unammiligaassallu aallaavigalugit eqqartueqatigiittoqarluarnera. Naapeqatigiinnerput Kommunalbestyrelsip aamma nunaqarfimmi aqutsisut akunnerminni suleqatigiinnerata nukittorsarnissaanik ilaatigut siunertaqarmat siunissami qaninnerusumik suleqatigiiffeqarnissarput neriuuteqarfigaara, Kommune Kujallermi borgmesteri Malene Vahl Rasmussen oqarpoq.
Isumasioqatigiinneq Kommune Kujallermi nunarfinnit aqqaniliusunit tamanit peqataaffigineqarpoq.
