Nittartagaq nutaaq ataasinngorneq aggustip ulluisa qulinganni Kommuneqarfik Sermersuumi saqqummiunneqassaaq. Innuttaasunik kiffartuussivik digitaliunerusoq paasissutissallu innuttaasunit nassaariuminarnerusut pillugit kommunalbestyrelsimit kissaateqareernermi nittartagaq nutaaq suliarineqarpoq.
Suliarineqarnissaa sioqqullugu, pisariaqartitsinermik misissueqqissaarineq nittartakkamik atoruminarnerusumik paasiuminarnerusumillu pisariaqartitsinermik takutitsisumik suliaqartoqarpoq. Taamaattumik imarisaa allanngortiterneqarpoq, ujartuineq pitsanngorsarneqarpoq paasissutissallu atorneqarnerpaajusut nassaariuminarsarneqarlutik.
Peqataanik kommunip suliffissanut isaariaa pitsanngorsarneqangaatsiarpoq. Suliffissanut isaarissami nutaami atorfiit inuttaqanngitsut takujuminarnerulissapput Kommuneqarfik Sermersuumilu ajornannginnerusumik suliffissarsiornissaq periarfissaalissalluni.
Kommunimut nutaaliaasumik digitalikkut isaariaqarluni, innuttaasut apeqqutiminnik sukkasuumik akissutissarsiffigisinnaasaannik kommunillu digitalimik neqeroorutaannik atuinissaq siunertaavoq.
Nittartakkamut nutaamut ikaarsaarnermi piffissat ilaanni arriissinnaavoq, atortorissaarutillu nutaap inissilluarnissaata tungaanut kukkunernik peqartarumaarpoq.
Kommunip nittartakkatigut qupperneri Google atorlugu ujartussagukkit, quppernerit nutaat ujarlerfinni nuisalernissaat kingusissinnaavortaaq. Taamaattumik ikaarsaarnerup nalaani Google atorlugu ujarlernermi linkit nutaanngitsut innersuunneqartassapput.
