Inua Fisheries Greenland ApS piginnittunit 56-init Nunatsinni sumiiCinnit qulinit
sinneqartunit tunuliaqutserneqartoq Naalakkersuisut 2026-mi pisassanik
agguaassinissaanut qinnuteqarpoq. SuliCeqarfiup suleriaqqinnissaa pillugu piginnittut
siullermeerlutik sisamanngorneq 6. august ataatsimoorlutik paasissutissiinermik
ataatsimiipput.
Naalakkersuisut 2026-mi siullermeerlutik pisassanut neqeroortitsinerannut siulllermut
qinnuteqarnissaq anguniarlugu Inua Fisheries pilersinneqarpoq. PNNP-mik
qaleralittassat 2.468,5 tonsit, saarullittassat 1.950 tonsit aamma nataarnartassat 166,6
tonsit pineqarlutik.
SuliCeqarfiup siulersuisui pisortaalu qinnuteqarnermi killiCiup aamma
aningaasaliissutissatut ilimagineqartut pillugit piginnittunut paasissutissiipput,
piginneqatigiillu apeqqutaat akineqarlutik.
”Pisassat akuersissutillu tunissutaanngillat, inuiaqatigiilli sinnerlugit
ajunnginnerpaamik akisussaassusilimmillu pisuussutinik ingerlatsinerupput.
Taamaammat aallaqqaataaniilli sapinngisamik inunnik amerlasuunik, Nunatsinni
piCinnit amerlanerpaanik piginnittoqarnissaa kissaatigaarput. Isumaqarpugut
taamaaliornikkut aalisakkerinermi suliCeqarfimmik ingerlatsisoqarsinnaasoq,
ataasiinnarmillu annertuumik aningaasaliisoqanngikkaluarluni innuttaasunit
siammasissumik pigineqartumik pilersitsisoqarsinnaasoq, taamaaliornitsigut
neriuutigaarput nunatsinni aalisarnermi piginneriaatsimik nutaaliaasumik
ingerlataqarneq maligassiuiCigisinnaassallugu”, siulersuisuni siulittaasoq Jens Peter
Larsen taama oqarpoq.
“Piginnittutta 56-iusut sumiiCinnit qulinit amerlanerusunit aggerfeqartut
ataatsimoortinneqartarnissaat pingaarutilerujussuuvoq. Toqqaannartumik
oqaloqatigiinneq suliCeqarfimmut inuiaqatigiinnullu sorlaqarnermut nukittorsaataavoq.
Inuiaqatigiit ikitsunnguugatta pisuussutit sapinngisamik amerlasuunik
peqataatitsinikkut iluaqutigineqartariaqarput.”, pisortaq Taatsiaq Møller oqarpoq.
Pisassanik agguaassinissamut aalajangiisoqarnissaata utaqqinerani sulineq
ingerlassaaq. PiCissaliussaq sivikitsuararsuuvoq, taamaammallu piginnittut tamarmik
ineriartornermut malinnaajuarnissaat pingaaruteqarpoq”, siulersuisut tassaasut arnat
pingasut angutillu pingasut Maniitsumiit, Nuummiit Paamiuneersullu, taama oqarput.
Akunnermuliuttut pisariaqanngitsut avaqqullugit nunani tamalaani toqqaannartumik
avammut attaveqarnikkut nunatta pisuussutaanik sapinngisamik annertunerpaamik
naleqalersitsinissaq suliCeqarfiup anguniagaraa. Taamaaliornikkut nunatsinni
nalittorsaaneq nukittorsarneqassaaq, pisisartunut qaninnerusumik
attaveqartoqalerluni, piginnaasanik qaCassaasoqarluni, akinillu pisuussutit
isumalluutaasut akitsuutaannut tunngaviliisunut ersarinnerulersitsisoqarluni.
Inua Fisheries Greenland ApS-ip suliCeqarfimmik siammasissumik amerlasuunillu
pigineqartumik ingerlatsisoqarsinnaanera inuiaqatigiinnilu tamanut iluaqutaasumik
annertusaasoqarsinnaanera takutikkusuppaa.
