Aggustip qaammataani Nanortalimmi aqqusinernik asfalterisoqarnissaa pilersaarutaavoq.
Ukiuni kingullerni Nukissiorfiit Nanortalimmi erngup aqqutaanik suliaqarneranni nutarterinerannilu aqqusinerni assaanerit pisarnerini suliaqarfiusuni asfalterisoqarsinnaasarsimanngilaq. Maannali aqqusinerni pineqartuni asfaltiterinissamik pisariaqalersimasuni asfalterisoqartussanngorpoq.
-Aggustip naalernerani asfalterinissap aallartinnissaa naatsorsuutigaarput. Aqqusernit ukiuni arlaqartuni asfalterneqarsimanngitsut pingaarnerpaatillugit asfalterineq ingerlatissavarput, matumanilu silap qanoq innera asfalterinissamut asfaltillu atorneqartussap assartornissaanut pilersaarusiornissamut apeqqutaalluinnartussaavoq, Avatangiisinut ingerlatsivimmi Sanaartornermut pisortaq, Mads Kenneth Petersen oqarpoq.
Augustip qaammataani sapaatip akunnerisa 35-anni Nanortalimmi asfalterinissap aallartinnissaa pilersaarutaavoq.
