Qaqortumi Niuernernik Ilinniarfimmi pisinniarfimmiunngorniat allaffimmiunngorniallugu katillugit aqqaneq marluusut ilinniakkamik naammassinnillutik allagartartaarput.
Ullormi nalliuttorsiorfiusumi allagartartaartut katersuussimasut pilluaqquneqarlutik oqalugiarfigineqarput, pilluaqqusillunilu oqalugiartut ilagaat Kommune Kujallermi borgmesteri Malene Vahl Rasmussen.
– Allagartaq pigiligarsi pappiaraannaanngilaq, takussutissaavorli angusaqarusullusi qanoq uteriitsiginissinnut, akisussaaffeqarluarnissinnut, aammalu nutaanik ilikkagaqarnissamut piginnaanneqarluarnissinnut. Allagartaq ilinniarnissi naammassineranut takussutissaavoq, inuunermulli nutaamut aallaniutaasoq, pilluaqqigitsi, Malene Vahl Rasmussen oqalugiarnermini ilaatigut taama oqarpoq.
Marlunngornermi juunip 16-ianni allagartartaartitsineq ingerlanneqarpoq.
Allaffimmiunngortut tassaapput:
Aka Enoksen Fontain
Gerth Sanimuinak
Henriette Godtfredsen
Ivalo Møller
Makkannguaq Therkelsen
Maren Sivertsen
Paninnguaq Bianco
Pisinniarfimmiunngortullu tassallutik:
Aqqalunnguaq Gedionsen
Elias Tittussen
Maline Berthelsen
Mikisuluk Gabrielsen
Paninnguaq Karlsen
