“Ersinngitsup matua” angerlarsimaffeqannginneq aamma inuit angerlarsimaffeqanngitsut oqitsuinnaanngitsut aaliangigassaat pillugit ukkatiginnippoq.
Ataasinngorpat Nuummi innuttaasut akeqanngitsumik isiginnaagassiamik inuiaqatigiinnut oqariartuutilimmik misigisaqarnissaminnut periarfissaqarput. Ersinngitsup matua ulloq 15. juuni nalunaaqutaq 19.00-imiit 20.00 tikillugu Katuami isiginnaartitsissutigineqassaaq.
Isiginnaagassiaq angerlarsimaffeqannginneq aamma angerlarsimaffeqanngitsutut inuuneq qanoq innersoq pillugit tunngassuteqarpoq. Isiginnaartussat angerlasimaffimmik annaasaqarneq aamma kialaartumik sumiiffissarsiorneq pillugit oqaluttuamik malinnaaffigisaqassapput – ikiuinerli piumasaqaatitaqanngitsoq takkutikkajunneq ajorpoq.
“Ikinngutiga unnuiffigisinnaanerlugu aperaara, piumasaqaatitaqarporli… aammaasiit pinerluttulioqqaassaanga…,” isiginnaagassiami oqaluttuap ilaa taamak nipeqarpoq.
Oqaluttuaq inuunermi kinguariarneq ulluinnarnilu ajornartoorfiusuni tapersersorneqarnissamut pisariaqartitsinermi misigissutsit atorneqartut pillugit ukkatiginnippoq.
Ersinngitsup matua Nuummi Kofoed Skole suleqatigalugu pilersinneqarpoq.
Isiginnaagassiaq tamanut akeqanngilaq Nuna Fondenimiillu aningaasaliiffigineqarluni.
16-ileereersimasut isiginnaariarsinnaapput.
