Avannaata Kommuniani qanoq ingerlasoqarnersoq eqqarsaatiginikuuiuk? Immaqalu kommuni pillugu paasissutissanik amigaateqarpit?
Maanna kommunip siunissami pilersaarutai ulluinnarnilu ingerlanneqarnera pillugit tusagaqarnissannut periarfissaqarputit.
Aasap ingerlanerani marlunngornerit tamaasa Ilulissani innuttaasut takornariallu borgmester Lars Erik Gabrielsen (S) naapissinnaavaat, kommunilu pillugu saqqummiussinermik tusarnaarsinnaallutik.
Marlunngorneq 9. juuni nal. 11.00-12.00 Kommunalbestyrelsip ataatsimiittarfianut ornigussinnaavutit, borgmesterilu peqataarusuttunut tamanut saqqummiussissaaq.
Tassani kommunip suliai, siunissami pilersaarutai ineriartorneralu pillugit paasissutissiisoqassaaq.
Kikkut tamarmik Ilulissani kommunip ataatsimiittarfianut ornigullutik peqataasinnaapput tusarnaarsinnaallutillu.
Saqqummiussineq siulleq marlunngornermi juunip 9-ani ingerlanneqassaaq.
